୭୪ ବର୍ଷର ଅପେକ୍ଷା: ଭାଇକୁ ପାଇ କୋଳେଇ ନେଲା ଭାଇ
୭୪ ବର୍ଷ ପରେ ଏକାଠି ହେଲେ ଦୁଇ ଭାଇ। ପାକିସ୍ତାନର କର୍ତାରପୁର ସ୍ଥିତ ଗୁରୁଦ୍ବାରା ଦରବାର ସାହିବରେ ଘଟିଛି ଏହି ଅପୂର୍ବ ମିଳନ । ଏହି ମିଳନର ଦୃଶ୍ୟ ସୋସିଆଲ ମିଡ଼ିଆରେ ବେଶ ଭାଇରାଲ ହେବାରେ ଲାଗିଛି । ଭିଡିଓଟି ଲୋକଙ୍କ ହୃଦୟ ଜିତି ପାରିଛି।
ଏ ଘଟଣା ହେଉଛି ସେ ସମୟର ଯେତେବେଳେ ଭାରତ ପାକିସ୍ତାନର ବିଭାଜନ ହୋଇଥିଲା । ୧୯୭୪ ହୋଇଥିବା ବିଭାଜନ ସମୟରେ ମହମ୍ମଦ ସିଦ୍ଦିକି ନବଜାତଙ୍କ ପରିବାର ବି ଭାଗ ଭାଗ ହୋଇଯାଇଥିଲା । ସେ ପାକିସ୍ତାନ୍ ଚାଲିଯାଇଥିବାବେଳେ, ତାଙ୍କ ବଡ ଭାଇ ହବିବ୍ ଭାରତରେ ରହିଯାଇଥିଲେ। ଆଉ ଏବେ ୭୪ ବର୍ଷ ପରେ ଦୁହେଁ ପୁଣି ଏକାଠି ହୋଇଛନ୍ତି।
ପାକିସ୍ତାନର କର୍ତାରପୁରରେ ଥିବା ଗୁରୁଦ୍ବାରା ଦରବାର ସାହିବ ଦୁଇ ଦେଶର ଲୋକଙ୍କ ପାଇଁ ଖୋଲିଛି । ଶିଖଙ୍କ ଏହି ପବିତ୍ର ତୀର୍ଥସ୍ଥଳକୁ ଭାରତୀୟମାନେ ବିନା ଭିସାରେ ଯାଇପାରୁଛନ୍ତି । ଏଠାକୁ ଭାରତର ପଞ୍ଜାବରେ ଥିବା ହବିବ ଯାଇଛନ୍ତି । ସେଠାରେ ତାଙ୍କର ଭେଟ ହୋଇଛି ସାନ ଭାଇ ମହମ୍ମଦ ସିଦ୍ଦିକଙ୍କ ସହ । ଯିଏ ପିଲା ଥିବା ବେଳେ ଭାରତ-ପାକିସ୍ତାନ ବିଭାଜନ କାରଣରୁ ପରିବାରର ଅନ୍ୟ ସଦସ୍ୟଙ୍କ ସହ ପାକିସ୍ତାନ ଚାଲିଯାଇ ଫଏସଲାବାଦରେ ରହୁଛନ୍ତି।
Powered by Froala Editor
