ଅଖିଳେଶ ଯାଦବଙ୍କ ପତ୍ନୀ, ଝିଅ କରୋନା ପଜିଟିଭ
ଲକ୍ଷେ୍ନø : ସମାଜବାଦୀ ପାର୍ଟି ସଭାପତି ଅଖିଳେଶ ଯାଦବଙ୍କ ପତ୍ନୀ ଡିମ୍ପଲ ଏବଂ ଝିଅ କରୋନାରେ ସଂକ୍ରମିତ ହୋଇଛନ୍ତି । ଜ୍ୱରରେ ପୀଡ଼ିତ ହେବା ପରେ ସେମାନେ କୋଭିଡ ଟେଷ୍ଟ କରିଥିଲେ । ଟେଷ୍ଟ ରିପୋର୍ଟ ପଜିଟିଭ ଆସିବା ପରେ ସେମାନେ ହୋମ ଆଇସୋଲେସନରେ ରହି ଚିକିତ୍ସିତ ହେଉଛନ୍ତି ବୋଲି ଡେପୁଟି ଚିଫ ମେଡିକାଲ ଅଫିସର ଡାକ୍ତର ମିଲିନ୍ଦ ବର୍ଦ୍ଧନ ସୂଚନା ଦେଇଛନ୍ତି । ସେମାନଙ୍କ ସଂସ୍ପର୍ଶରେ ଯେଉଁମାନେ ଆସିଛନ୍ତି ସେମାନେ କୋଭିଡ ଟେଷ୍ଟ କରାଇବା ସହ ହୋମ ଆଇସୋଲେସନ ରହିବାକୁ କୁହାଯାଇଛି । ଡିମ୍ପଲ ଯାଦବ ଟ୍ୱିଟ କରି କହିଛନ୍ତି, କୋଭିଡ ଟେଷ୍ଟ କରିବାରୁ ରିପୋର୍ଟ ପଜିଟିଭ ଆସିଛି । ପୂରା ଡୋଜ ଟିକା ନେଇସାରିଛି । ଯଦିଓ ବିଶେଷ କିଛି ଲକ୍ଷଣ ପ୍ରକାଶ ପାଉନାହିଁ ତଥାପି ଅନ୍ୟମାନଙ୍କ ସୁରକ୍ଷା ଦୃଷ୍ଟିରୁ ନିଜକୁ ଦୂରେଇ ରଖିଛି । ତାଙ୍କ ସଂସ୍ପର୍ଶରେ ଯେଉଁମାନେ ଆସିଛନ୍ତି ସେମାନେ ତୁରନ୍ତ କୋଭିଡ ଟେଷ୍ଟ କରାଇ ନେବାକୁ ସେ ଅନୁରୋଧ କରିଛନ୍ତି ।
Powered by Froala Editor
