୩ କୃଷି ଆଇନ ଉଚ୍ଛେଦ ବିଲକୁ ରାଷ୍ଟ୍ରପତିଙ୍କ ମଂଜୁରୀ
ନୂଆଦିଲ୍ଲୀ: କେନ୍ଦ୍ର ସରକାରଙ୍କ ୩ କୃଷି ଆଇନ ଉଚ୍ଛେଦ ବିଲକୁ ରାଷ୍ଟ୍ରପତି ରାମନାଥ କୋବିନ୍ଦ ମଂଜୁରି ପ୍ରଦାନ କରିଛନ୍ତି । ସଂଦସଦର ଉଭୟ ଗୃହରେ କୃଷି ଆଇନ ଉଚ୍ଛେଦ ବିଲ ଗୃହୀତ ହେବାପରେ ଏହାକୁ ରାଷ୍ଟ୍ରପତିଙ୍କ ଅନୁମୋଦନ ପାଇଁ ପଠାଯାଇଥିଲା । ରାଷ୍ଟ୍ରପତି ଆଜି ଏଥିରେ ସ୍ୱାକ୍ଷର କରିଛନ୍ତି । ସଂସଦର ଶୀତ ଅଧିବେଶନର ପ୍ରଥମ ଦିନରେ ରେକର୍ଡ ସମୟରେ ହିଁ କୃଷି ଆଇନ ଉଚ୍ଛେଦ ବିଲ ଗୃହୀତ ହୋଇଥିଲା କୃଷି ଆଇନ ଉଚ୍ଛେଦ ବିଲ ଲୋକସଭାରେ ୪ ମିନିଟରେ ଗୃହୀତ ହୋଇଥିବା ବେଳେ ରାଜ୍ୟସଭାରେ ବିଲ୍ ସଂକ୍ରାନ୍ତରେ ସ୍ପଳ୍ପ ଆଲୋଚନା ପରେ ବିଲ୍ ଗୃହୀତ ହୋଇଥିଲା ।
ବିନା ଆଲୋଚନାରେ ଲୋକସଭାରେ ବିଲ ଗୃହୀତ ହୋଇଥିବାରୁ ବିରୋଧୀ ଦଳ ନେତାମାନେ ଏହାର ପ୍ରତିବାଦ କରିଥିଲେ । ଉଲ୍ଲେଖଯୋଗ୍ୟ, ୩ କୃଷି ଆଇନକୁ ବିରୋଧ କରି ବର୍ଷେ ହେଲା ଆନେ୍ଦାଳନ ଜାରି ରହିଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗତ ନଭେମ୍ବର ୧୯ ତାରିଖରେ କୃଷି ଆଇନ ଉଚ୍ଛେଦ ହେବ ବୋଲି ଘୋଷଣା କରିବା ସହ ବିଲର ସୁଫଳ ନେଇ ଚାଷୀଙ୍କୁ ବୁଝାଇ ପାରିନଥିବାରୁ ଦେଶବାସୀଙ୍କୁ କ୍ଷମା ମାଗିଥିଲେ । ଅନ୍ୟପକ୍ଷେ ଏମଏସପି ସଂକ୍ରାନ୍ତରେ ଆଲୋଚନା ନହେବା ଯାଏଁ କୃଷକମାନେ ଆନେ୍ଦାଳନରୁ ହଟିବେନି ବୋଲି ଆଜି ବିକେୟୁ ନେତା ରାକେଶ ଟିକାୟତ କହିଛନ୍ତି ।
Powered by Froala Editor
