ଦେଶରେ ୧୦୦ କୋଟି ଡୋଜ୍ ଛୁଇଁଲା ଟୀକାକରଣ
![ଦେଶରେ ୧୦୦ କୋଟି ଡୋଜ୍ ଛୁଇଁଲା ଟୀକାକରଣ](https://odishanewslens.com/news_gallery/7283_1634807694.jpg)
ନୂଆଦିଲ୍ଲୀ: ଟୀକାକରଣରେ ଇତିହାସ ରଚିଲା ଭାରତ । ଦେଶରେ ୧୦୦ କୋଟି ଡୋଜ୍ ଛୁଇଁଲା ଟୀକାକରଣ । କୋରୋନା ବିରୋଧି ଲଢେଇରେ ଭାରତ ମାଇଲଖୁଣ୍ଟ ସ୍ଥାପନ କରିଛି । ଆଜି ଦେଶରେ ୧୦୦ କୋଟି ପାର୍ କରିଛି ଟୀକାକରଣ । ଭାରତର ଏହି ବିରଳ ରେକର୍ଡ ସହ ସାରା ଦେଶରେ ଖୁସିର ଲହରୀ ଖେଳିଯାଇଛି । ଏହି ସଫଳତାକୁ ଉତ୍ସବ ଭାବେ ପାଳନ କରିବାକୁ ସମଗ୍ର ଦେଶରେ ଆୟୋଜିତ ହେବ ସ୍ବତନ୍ତ୍ର ଉତ୍ସବ ।
ଏହି ଅବସରରେ ଆଜି ଦିଲ୍ଲୀ ଆରଏମଏଲ ହସ୍ପିଟାଲରେ ଏକ ବଡ କାର୍ୟ୍ୟକ୍ରମର ଆୟୋଜନ କରାଯାଇଛି । ପ୍ରଧାନମନ୍ତ୍ରୀ ଆଜି ଏହି କାର୍ୟ୍ୟକ୍ରମରେ ଯୋଗ ଦେଇଛନ୍ତି । ଏଠାରେ ସେ ସ୍ବାସ୍ଥ୍ୟକର୍ମୀଙ୍କ ସହ ଆଲୋଚନା କରି ସେମାନଙ୍କୁ ଉତ୍ସାହିତ କରିବେ ।ସେପଟେ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟ ଲାଲକିଲ୍ଲା ଠାରେ ଗୀତିକାର କୈଳାସ ଖେରଙ୍କ ଦ୍ବାରା ପ୍ରସ୍ତୁତ ଗୀତ ଏବଂ ଏକ ଅଡିଓ ଭିଜୁଆଲ ଲଞ୍ଚ କରିବେ । ଉଲ୍ଲେଖଯୋଗ୍ୟ, ୧୬ ଜାନୁୟାରୀରେ ଦେଶବ୍ୟାପୀ ଆରମ୍ଭ ହୋଇଥିଲା ଟୀକାକରଣ ଅଭିଯାନ । ଏହାପରେ ସୁପରଫାଷ୍ଟ ସ୍ପିଡରେ ଭାରତରେ ଟୀକାକରଣ ଚାଲିଥିଲା ।
Powered by Froala Editor