ଯୁବବର୍ଗଙ୍କ ମଧ୍ୟରେ ଔଦ୍ୟୋଗିକତାକୁ ପ୍ରୋତ୍ସାହିତ କରିବାକୁ ଆମୱେ ପ୍ରଚଳନ କରୁଛି #ଆମ୍ୟଙ୍ଗ
ଭୁବନେଶ୍ୱର : ଯୁବ ପ୍ରାଦ୍ୟୋଗିକିକୁ ତ୍ୱରାନ୍ୱିତ କରିବା ଦିଗରେ ନିବେଶ କରିବା ଏବଂ ସାମୟିକ ନିଯୁକ୍ତି ଭିତ୍ତିକ ଅର୍ଥନୀତିକୁ ସୁଦୃଢ କରିବାର ଆବଶ୍ୟକତାକୁ ଉପଲବ୍ଧ କରି ଦେଶର ଅନ୍ୟତମ ଅଗ୍ରଣୀର ଏଫଏମସିଜି ପ୍ରତ୍ୟକ୍ଷ ବିକ୍ରି କରୁଥିବା କମ୍ପାନୀ ଆମୱେ ଇଣ୍ଡିଆ ସଂପ୍ରତି #ଆମ୍ୟଙ୍ଗ ପ୍ରଚଳନ ସମ୍ପର୍କରେ ଘୋଷଣା କରିଛି । ପୂର୍ବ ଓ ପଶ୍ଚିମ ଭାଗ ବଜାରରୁ ଆରମ୍ଭ ହୋଇଥିବା ଏହି ପ୍ରୟାସ, ଯୁବବର୍ଗଙ୍କର ନେତୃତ୍ୱ ନେବାର ସାମର୍ଥ୍ୟ, ବ୍ୟବସାୟ ଓ ସାମାଜିକ ସ୍ତରରେ ବିକ୍ରୟ କୌଶଳରେ ବୃଦ୍ଧି ଘଟାଇ ସେମାନଙ୍କ ମଧ୍ୟରେ ଔଦ୍ୟୋଗିକତାକୁ ପ୍ରୋତ୍ସାହିତ କରିବାକୁ ଆମୱେର ୧୦ ବର୍ଷିଆ ବିଶ୍ୱସ୍ତରୀୟ ଅଭିବୃଦ୍ଧି ଲକ୍ଷ୍ୟ ମୁତାବକ ହୋଇଛି । ଏଥିସହିତ ସଫଳତାର ସହିତ ପରୀକ୍ଷାମୂଳକ କାର୍ଯ୍ୟକାରିତା ପରେ ଆମୱେ ଇଷ୍ଟ ମଧ୍ୟ ଉକ୍ତ ଅଞ୍ଚଳରେ ନାରୀ ଶକ୍ତି କାର୍ଯ୍ୟକ୍ରମର ପରବର୍ତ୍ତୀ ପର୍ଯ୍ୟାୟ କାର୍ଯ୍ୟକାରୀ କରିବାକୁ ଘୋଷଣା କରିଛି । ଏହି ପର୍ଯ୍ୟାୟରେ ଆମୱେ ୪୦୦ରୁ ଅଧିକ ମହିଳା ପ୍ରତ୍ୟକ୍ଷ ବିକ୍ରେତାଙ୍କ ନିକଟରେ ପହଞ୍ଚି ୧୨ ମାସ ଧରି ଏକାଧିକ ତାଲିମ ଭିତ୍ତିକ କର୍ମଶାଳା ଜରିଆରେ ସେମାନଙ୍କ ମଧ୍ୟରେ ଔଦ୍ୟୋଗିକତାର ଇଛାଶକ୍ତି ଜାଗ୍ରତ କରିବା ଦିଗରେ ସେମାନଙ୍କୁ ସମର୍ଥନ କରିବାକୁ ଲକ୍ଷ୍ୟ ରଖିଛି ।
ଏହି ସମସ୍ତ ପ୍ରୟାସ ଜରିଆରେ ଆମୱେ ଇଣ୍ଡିଆ ମହିଳା ଓ ଯୁବବର୍ଗଙ୍କୁ ସଦା ପରିବର୍ତ୍ତନଶୀଳ ସାମାଜିକ ଗଣମାଧ୍ୟମ ପରିବ୍ୟବସ୍ଥା ମଧ୍ୟରେ ସେମାନଙ୍କର ବ୍ୟବସାୟିକ ଅଭିବୃଦ୍ଧି ପାଇଁ ପୂର୍ଣ୍ଣାଙ୍ଗ ଶିକ୍ଷା ଆହରଣ ଓ ସୁଯୋଗ ଯୋଗାଇଦେବ ଏବଂ ସେମାନଙ୍କୁ ସେମାନଙ୍କ ଆଗ୍ରହକୁ ଆଗେଇନେବା ତଥା ତାହାକୁ ସେମାନଙ୍କର ସଫଳ ବ୍ୟବସାୟିକ ଉଦ୍ୟୋଗରେ ପରିଣତ କରିବା ଦିଗରେ ସହାୟତା କରିବ ।
ଶୁଭାରମ୍ଭ ଅବସରରେ ଆମୱେ ଇଣ୍ଡିଆ ପୂର୍ବ ଓ ପଶ୍ଚିମାଞ୍ଚଳର ସିନିୟର ଭାଇସ ପ୍ରେସିଡେଣ୍ଟ ଶ୍ରୀ ଚନ୍ଦ୍ରଭୂଷଣ ଚକ୍ରବର୍ତ୍ତୀ କହିଥିଲେ, “ଏହି ବର୍ଦ୍ଧିତ ଡିଜିଟାଲ ବିଶ୍ୱରେ ଆମର ପ୍ରତ୍ୟକ୍ଷ ବିକ୍ରେତାମାନେ ହେଉଛନ୍ତି ଆମର ବ୍ରାଣ୍ଡ୍ ଆମ୍ବାସାଡର । ପ୍ରୋଜେକ୍ଟ #ଆମ୍ୟଙ୍ଗକୁ ନେଇ ଆମେ ଆମର ୩୫ ବର୍ଷରୁ କମ୍ ବୟସ ବର୍ଗର ପ୍ରତ୍ୟକ୍ଷ ବିକ୍ରେତାଙ୍କୁ ବର୍ଦ୍ଧିତ ବ୍ୟବସାୟିକ ଧାରା ସହିତ ସେମାନଙ୍କର କୁଶଳତାକୁ ସମକକ୍ଷ କରିବା ଦିଗରେ ସହାୟତା କରୁଛୁ । ଅଭିଜ୍ଞ ମାର୍ଗଦର୍ଶକଙ୍କ ସହିତ ସ୍ୱତନ୍ତ୍ର ଭାବରେ ପ୍ରସ୍ତୁତ କରାଯାଇଥିବା ଏହି ଅଧିବେଶନଗୁଡିକ ବ୍ୟବସାୟର ଅଭିବୃଦ୍ଧି ଏବଂ ପ୍ରତ୍ୟକ୍ଷ ବିକ୍ରୟର ଡିଜିଟାଲ ଅଭିବୃଦ୍ଧି ସମ୍ଭାବନା ଦିଗରେ ଅଗ୍ରସର ହେବାକୁ ସାମାଜିକ ବ୍ୟବସାୟ ଢାଞ୍ଚା ଆପଣେଇବା ଉପରେ ମଧ୍ୟ ଦୃଷ୍ଟିନିବଦ୍ଧ କରିବ । ପ୍ରୋଜେକ୍ଟ #ଆମ୍ୟଙ୍ଗ ସହିତ ଆମେମାନେ ଆମର ଯୁବ ଉଦ୍ୟୋଗୀଙ୍କ ପାଇଁ କୁଶଳତା ଏବଂ ଆଗ୍ରହ, ଆମୱେ ନେତୃତ୍ୱ ପ୍ରଦାନକାରୀ ଦଳଗୁଡିକ ସହିତ ସଂରଚିତ ତାଲିମ ପଦ୍ଧତି ଆଦି ଆଧାରରେ ଏକ ତ୍ୱରିତ ଯାତ୍ରାପଥ ସୃଷ୍ଟି କରୁଛୁ ।”
“#ଆମ୍ୟଙ୍ଗ ଓ ନାରୀଶକ୍ତି ଭଳି କାର୍ଯ୍ୟକ୍ରମ ଜରିଆରେ ଆମେ ଆମର ୩୫ ବର୍ଷ ବୟସ ବର୍ଗରୁ କମ୍ ମହିଳା ପ୍ରତ୍ୟକ୍ଷ ବିକ୍ରେତାଙ୍କୁ ସେମାନଙ୍କର ବ୍ୟବସାୟର ମାଲିକ ହେବା ଏବଂ ତାହା ପରିଚାଳନା କରିବାର ସୁଯୋଗ ପ୍ରଦାନ ଲକ୍ଷ୍ୟ ରଖିଛୁ ଏବଂ ସେହି ସମୟରେ ଫିଟ୍ନେସ, ସ୍ୱାସ୍ଥ୍ୟପ୍ରଦ ଜୀବନ ନିର୍ବାହ, ରାନ୍ଧଣା ଅଥବା ସୌନ୍ଦର୍ଯ୍ୟ ଆଦିକୁ ନେଇ ସେମାନଙ୍କ ଭିତରେ ଥିବା ଆଗ୍ରହ ଜାଣିବା ଉଦ୍ୟମ କରୁଛୁ,” ବୋଲି ସେ କହିଥିଲେ । ଏହି ପ୍ରୟାସ ସମ୍ପର୍କରେ ମତରଖି ଆମୱେ ଇଣ୍ଡିଆର ସିଇଓ ଶ୍ରୀ ଅଂଶୁ ବୁଧରାଜା କହିଛନ୍ତି, “ଭାରତ ସଂପ୍ରତି ବିଶ୍ୱର ସର୍ବକନିଷ୍ଠ ରାଷ୍ଟ୍ରଗୁଡିକ ମଧ୍ୟରେ ଅନ୍ୟତମ ହୋଇଛି । ସେହି ସମୟରେ ବିଗତ ଏକ ବର୍ଷ ଧରି ଆମୱେ ୩୫ ବର୍ଷରୁ କମ୍ ବୟସ ବର୍ଗଙ୍କ ନିକଟରୁ ଏହାର ବ୍ୟବସାୟିକ ଢାଞ୍ଚା ପ୍ରତି ଆଗ୍ରହରେ ଉଲ୍ଲେଖନୀୟ ବୃଦ୍ଧି ଲକ୍ଷ୍ୟ କରିଆସୁଛି । ପ୍ରକୃତପକ୍ଷେ ଗତବର୍ଷ ନୂତନ ବ୍ୟବସାୟ ମଧ୍ୟରୁ ୬୧.୫% ୩୫ ବର୍ଷରୁ କମ୍ ବୟସ ବର୍ଗରୁ ଆସିଥିଲା । ସେମାନଙ୍କର ଦୃଢ ଆଗ୍ରହ ଏବଂ ଅଭିବୃଦ୍ଧିଶୀଳ ମାନସିକତା ଜରିଆରେ ସେମାନେ ସେମାନଙ୍କର ଆଶା ଆକାଂକ୍ଷା ଆଧାରରେ ଅଫ୍ଲାଇନ ଓ ଅନ୍ଲାଇନର ସେମାନେ ଏକ ଦକ୍ଷ ସମୁଦାୟ ସୃଷ୍ଟି କରିପାରିଛନ୍ତି । ଡିଜିଟାଲ ଉପାୟରେ ସଶକ୍ତ ଏହି ଦୃଢ ଆଗ୍ରହୀ ଉଦ୍ୟୋଗୀଗଣ ସେମାନଙ୍କର ବୃତ୍ତିଗତ ଅଭିଜ୍ଞତା ଅଥବା ସେମାନେ କେତେ ପରିମାଣରେ ବୈଷୟିକି ସମ୍ପର୍କରେ ପରିଚିତ, ସେସବୁ ନିର୍ବିଶେଷରେ ସେମାନେ ସଂପ୍ରତି ପାରମ୍ପରିକ ଦର୍ଶକଙ୍କ ଉର୍ଦ୍ଧ୍ୱକୁ ଯାଇ ସେମାନଙ୍କର ପହଞ୍ଚ ପରିବ୍ୟାପ୍ତ କରୁଛନ୍ତି । ଆମର ଉପଯୁକ୍ତ ମାର୍ଗଦର୍ଶନରେ ପରିଚାଳିତ ଔଦ୍ୟୋଗିକ ଢାଞ୍ଚା ଜରିଆରେ ଆମୱେ ସେମାନଙ୍କର ପୂର୍ଣ୍ଣ ସାମର୍ଥ୍ୟର ପରିପ୍ରକାଶ ନିମନ୍ତେ ସୁଯୋଗ ଯୋଗାଇଦେଇ ଅଭିବୃଦ୍ଧିର ଏକ ପରିବେଶକୁ ନିରନ୍ତର ପୃଷ୍ଠପୋଷକତା କରିଆସୁଛି ।”
“#ଆମ୍ୟଙ୍ଗ ଭଳି ପ୍ରୟାସ ଏବଂ ମହିଳାଙ୍କ ମଧ୍ୟରେ ଔଦ୍ୟୋଗିକତାକୁ ପ୍ରୋତ୍ସାହିତ କରିବାର ଲକ୍ଷ୍ୟ ରଖିଥିବା ଅତ୍ୟୁଚ୍ଚ ସଫଳ ନାରୀ ଶକ୍ତିକୁ ନେି ଆମେ ଏଭଳି ଏକ ପରିବ୍ୟବସ୍ଥା ସୃଷ୍ଟି କରୁଛୁ ଯାହା ଆମ ପ୍ରତ୍ୟକ୍ଷ ବିକେତ୍ରାଙ୍କ ପାଇଁ ସେମାନଙ୍କର ନିଜସ୍ୱ ବ୍ୟବସାୟ ସଫଳତାର ସହିତ ନିର୍ମାଣ କରିବା ଏବଂ ଆର୍ଥିକ ସ୍ଥିରତା ଆଣିବା ପ୍ରକିୟାକୁ ସହଜ ଓ ସମସ୍ୟାମୁକ୍ତ କରି ଗଢିତୋଳୁଛି,” ବୋଲି ସେ କହିଥିଲେ ।
ଆମୱେ ଲଗାତର କୁଶଳତାରେ ବିକାଶ ପ୍ରୟାସ ଜରିଆରେ ଏହାର ୫,୫୦,୦୦୦ ପ୍ରତ୍ୟକ୍ଷ ବିକ୍ରେତାଙ୍କୁ ସେମାନଙ୍କ ବ୍ୟବସାୟରେ ବୃଦ୍ଧି ଘଟାଇବା ଦିଗରେ ସହାୟତା କରିବାକୁ ପ୍ରତିବଦ୍ଧ ରହିଆସିଛି । ଆମୱେର ମହିଳା ପ୍ରତ୍ୟକ୍ଷ ବିକ୍ରେତାଙ୍କର ସଂପ୍ରତି ରହିଥିବା କୁଶଳତାରେ ଉନ୍ନତି ଘଟାଇ ସେମାନଙ୍କର ଆମୱେ ବ୍ୟବସାୟକୁ ସ୍ୱାଧୀନ ଭାବରେ ପରିଚାଳନା କରିବା ନିମନ୍ତେ ସେମାନଙ୍କୁ ସମ୍ମୁଖକୁ ଆଣିବା ନିମନ୍ତେ ଗତବର୍ଷ ଆରମ୍ଭ କରାଯାଇଥିବା ନାରୀ ଶକ୍ତି କାର୍ଯ୍ୟକ୍ରମର ସଫଳତାକୁ ନେଇ #ଆମ୍ୟଙ୍ଗ ପ୍ରଚଳନ କରାଯାଇଛି । ଏହା ଯୁବ ପ୍ରତ୍ୟକ୍ଷ ବିକ୍ରେତାଙ୍କର କୁଶଳତାରେ ଉନ୍ନତି ସାଧନ, ବ୍ୟବସାୟିକ କାର୍ଯ୍ୟଧାରା ସମ୍ପର୍କରେ ସେମାନଙ୍କ ଜ୍ଞାନରେ ଉନ୍ନତି ଆଣିବା, ଉତ୍ପାଦ ସମ୍ପର୍କରେ ସେମାନଙ୍କୁ ତାଲିମ,ବିବିଧ ବ୍ୟବସାୟିକ ସାଧନର ବ୍ୟବହାର ଏବଂ ସାମାଜିକ ବ୍ୟବସାୟ ଢାଞ୍ଚା ଆଦି ସମ୍ପର୍କରେ ସେମାନଙ୍କୁ ତାଲିମ ପ୍ରଦାନ ଉପରେ ଆଧାରିତ । ଏହି
ପ୍ରକଳ୍ପ ମଧ୍ୟ ସାମାଜିକ ବ୍ୟବସାୟ ଢାଞ୍ଚାର ଉତ୍ଥାନ ସହିତ ଡିଜିଟାଲ ପଦ୍ଧତିରେ ବ୍ୟବସାୟ ପରିଚାଳନା ଉପରେ ଗୁରୁତ୍ୱ ଦେଉଛି । ପ୍ରତ୍ୟକ୍ଷ ବିକ୍ରୟର ପାରମ୍ପରିକ ଧାରାର ଊର୍ଦ୍ଧ୍ୱକୁ ଯାଇ ଏକ ସ୍ଥାୟୀ ବ୍ୟବସାୟ ବ୍ୟବସ୍ଥା ହାସଲ କରିବାକୁ ତ୍ୱରିତ ଭାବରେ ଡିଜିଟାଲ ମାଧ୍ୟମକୁ ଆପଣେଇବା ଉପରେ ଏହା ଆଲୋକପାତ କରୁଛି । ସମସ୍ତ ଅଞ୍ଚଳରେ ଚିହ୍ନଟ କରାଯାଇଥିବା ଯୁବ ପ୍ରତ୍ୟକ୍ଷ ବିକ୍ରେତାଙ୍କୁ ବରିଷ୍ଠ ପ୍ରତ୍ୟକ୍ଷ ବିକ୍ରେତା ଏବଂ ଆମୱେର ନେତୃତ୍ୱ ପ୍ରଦାନକାରୀ ଦଳ ଦ୍ୱାରା ମାର୍ଗଦର୍ଶନ କରାଯିବ, ଯେଉଁମାନେ ସେମାନଙ୍କର ବ୍ୟବସାୟିକ ଯାତ୍ରା ପଥରେ ସେମାନଙ୍କୁ ଉଚିତ ମାର୍ଗଦର୍ଶନ କରାଇବେ ।
ଆମୱେ ଇଣ୍ଡିଆ ବିବିଧ ଅନ୍ଲାଇନ ଓ ଅଫ୍ଲାଇନ ତାଲିମ ଅଧିବେଶନ ଏବଂ କର୍ମଶାଳାଗୁଡିକ ଜରିଆରେ ମହିଳା ଓ ଯୁବବର୍ଗଙ୍କ ମଧ୍ୟରେ ଔଦ୍ୟୋଗିକତାକୁ ପ୍ରୋତ୍ସାହିତ କରିବାରେ ନିରବଚ୍ଛିନ୍ନ ଭାବରେ ପାଣ୍ଠି ନିବେଶ କରିଆସୁଛି । ପ୍ରକୃତପକ୍ଷେ ସଂପ୍ରତି ଆମୱେର ୬୦%ରୁ ଅଧିକ ବିତରକ ହେଉଛନ୍ତି ମହିଳା । ଏହାର ମୂଳ ଦର୍ଶନ ଅନୁଯାୟୀ କମ୍ପାନୀ ସେମାନଙ୍କୁ ସେମାନଙ୍କର ପ୍ରକୃତ ସାମର୍ଥ୍ୟର ପରିପ୍ରକାଶ ନିମନ୍ତେ ସେମାନଙ୍କୁ ସଠିକ ମଞ୍ଚ ଯୋଗାଇ ଆସୁଛି ।
Powered by Froala Editor
