ଅଣଓଡ଼ିଆଙ୍କ ଭାରି ପସନ୍ଦ ଗଞ୍ଜେଇ, ଏହି ସହରକୁ ହେଉଛି ଚାଲାଣ
ଭୁବନେଶ୍ୱର: ଓଡ଼ିଶା ଗଞ୍ଜେଇ ଦେଶର ବଡ଼ବଡ଼ ସହରରେ ରହୁଥିବା ଅଣଓଡ଼ିଆଙ୍କର ଭାରି ପସନ୍ଦ । ସେଥିପାଇଁ ଏହାର ଢେର୍ ଚାହିଦା ମଧ୍ୟ ରହିଛି । ଦିଲ୍ଲୀ ଓ ମୁମ୍ବାଇରେ ଏହାର ଚାହିଦା ସର୍ବାଧିକ । ଆଉ ବଲିଉଡ୍ କଳାକାରମାନେ ବି ଯେ ଓଡ଼ିଶା ଗଞ୍ଜେଇ ପାାଇଁ ପାଗଳ, ଏହା ଏକାଧିକଥର ପ୍ରମାଣିତ ହୋଇସାରିଛି । ସୁଶାନ୍ତ ସିଂହ ରାଜପୁତ୍ ମୃତୁ୍ୟ ମାମଲାରେ ନିଶାଦ୍ରବ୍ୟର ଓଡ଼ିଶା ଲିଙ୍କ୍ ମିଳିଥିବାବେଳେ ସଦ୍ୟ ମୁମ୍ବାଇ କ୍ରୁଜ୍ ଡ୍ରଗ୍ସପାର୍ଟି ସହିତ ବି ଓଡ଼ିଶା ଗଞ୍ଜେଇର ସଂପର୍କ ଥିବା ଜଣାପଡ଼ିଛି । ୨୦୨୦ ଜୁନରେ ସୁଶାନ୍ତ ସିଂହ ରାଜପୁତଙ୍କର ସନେ୍ଦହଜନକ ଭାବେ ମୃତୁ୍ୟ ହୋଇଥିଲା । ଏହାକୁ ନେଇ ସାରା ଦେଶରେ ଆଲୋଡ଼ନ ସୃଷ୍ଟି ହୋଇଥିଲା । ସେତେବେଳେ ବଲିଉଡରେ ଡ୍ରଗ୍ସ କାରାବାର କଥା ପଦାକୁ ଆସିଥିଲା । ସୁଶାନ୍ତଙ୍କ ବାନ୍ଧବୀ ରିୟା ଚକ୍ରବର୍ତ୍ତୀଙ୍କୁ ଯେତେବେଳେ ଏନସିବି ଗିରଫ କରିଥିଲା; ନିଶା କାରବାର ସମ୍ପର୍କରେ ଗୋଟିଏ ପରେ ଗୋଟିଏ ତଥ୍ୟ ପଦାକୁ ଆସିଥିଲା । ଏପରିକି ନିଶା ମାଫିଆମାନେ ଓଡ଼ିଶାରୁ ମୁମ୍ବାଇକୁ ଟ୍ରେନ୍ ଯୋଗେ ଗଞ୍ଜେଇ ଚାଲାଣ କରିଥିବା ଚର୍ଚ୍ଚା ହୋଇଥିଲା ।
Powered by Froala Editor
