ଲଘୁଚାପ ପରେ ଲଘୁଚାପ। ଏଥିପାଇଁ ଅନେକ ସ୍ଥାନରେ ପ୍ରବଳ ବର୍ଷା ହୋଇଛି। ପାଣିପାଗ କେନ୍ଦ୍ର ନିର୍ଦ୍ଧଶକ ଏଚ୍ଆର ବିଶ୍ୱାସ କହିଛନ୍ତି ଯେ ଅକ୍ଟୋବର ପହିଲାଠାରୁ ବର୍ଷା ପରିମାଣ କମିବ । ଅଭ୍ୟନ୍ତରୀଣ ଓଡିଶାର କେତେକ ସ୍ଥାନରେ ହାଲୁକାରୁ ମଧ୍ୟମଧରଣର ବର୍ଷା ହେବ। ଏତେ ବର୍ଷା ପରେ ମଧ୍ୟ ଓଡିଶାରେ ଏବେ ବି ନିଅଣ୍ଟିଆ ବର୍ଷା ଲାଗି ରହିଛି। ଗତକାଲି ସ୍ୱାଭାବିକ ଭାବେ ୧୧୪୯.୮ ମିମି ବର୍ଷା ହେବା କଥା । ମାତ୍ର ବର୍ଷା ପରିମାଣ ୧୦ ପ୍ରତିଶତ କମ୍ ରହିଛି। ଜଗତସିଂପୁର ଓ ପୁରୀ ଜିଲ୍ଲାରେ ସ୍ୱାଭାବିକଠାରୁ ଅଧିକ ବର୍ଷା ହୋଇଥିବା ବେଳେ ୬ ଜିଲ୍ଲାରେ ନିଅଣ୍ଟିଆ ଅଛି । ବାକି ୨୨ଟି ଜିଲ୍ଲାରେ ସ୍ୱାଭାବିକ ବର୍ଷା ହୋଇଥିବା ନେଇ ସେ ସୂଚନା ଦେଇଛନ୍ତି।

ତେବେ ପଶ୍ଚିମବଙ୍ଗ ଉପରେ ଥିବା ଚିହ୍ନିତ ଲଘୁଚାପ ବଳୟ ପ୍ରଭାବରେ ଆଜି ସକାଳ ସୁଦ୍ଧା ଉତ୍ତର ଓଡିଶାର କେତେକ ସ୍ଥାନରେ ବର୍ଷା ହେବ। ମୟୂରଭଞ୍ଜ ଓ କେନ୍ଦୁଝରର ଗୋଟିଏ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ ଓ ସୁନ୍ଦରଗଡ, ଅନୁଗୁଳ, ଢେଙ୍କାନାଳ, କଟକ, କେନ୍ଦ୍ରାପଡା, ଜଗତସିଂହପୁର, ଯାଜପୁର, ଭଦ୍ରକ ଓ ବାଲେଶ୍ୱରରେ ପ୍ରବଳ ବର୍ଷା ହେବ। ପରବର୍ତ୍ତୀ ୨୪ ଘଣ୍ଟା ଉତ୍ତର ଓଡିଶାରେ ବର୍ଷା ପରିମାଣ କମିବ। ସୁନ୍ଦରଗଡ, ଝାରସୁଗୁଡା ଓ ବରଗଡ ଜିଲ୍ଲାର ଗୋଟିଏ ଦୁଇଟି ସ୍ଥାନରେ ପ୍ରବଳ ବର୍ଷାର ସମ୍ଭାବନା ରହିଥିବା ନେଇ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ପୂର୍ବାନୁମାନ କରାଯାଇଛି।

Powered by Froala Editor