ଯୁବକଙ୍କୁ କରୋନା ବଦଳରେ ରେବିଜ ଟିକା ଦେଇଦେଲେ ନର୍ସ, ତାପରେ ଜାଣନ୍ତୁ କ’ଣ ହେଲା...
କରୋନା ଟିକା ବଦଳରେ ଯୁବକଙ୍କୁ କୁକୁର କାମୁଡ଼ା(ରେବିଜ) ଟିକା ଦେଇ ଦେଲେ ନର୍ସ। ମହାରାଷ୍ଟ୍ର ଥାଣେର ମଧ୍ୟ କଲୱା ଅଞ୍ଚଳରେ ଥିବା ଆଟକୋନେଶ୍ୱର ସ୍ୱାସ୍ଥ୍ୟକେନ୍ଦ୍ରରେ ଏହି ଘଟଣା ଘଟିଛି। ଏହି ମାମଲା ସାମ୍ନାକୁ ଆସିବା ପରେ ରେବିଜ ଟିକା ଦେଇଥିବା ନର୍ସ ଏବଂ ଡାକ୍ତରଙ୍କୁ ନିଲମ୍ବିତ କରାଯାଇଛି।
ସୂଚନା ମୁତାବକ, ଆଟକୋନେଶ୍ୱର ଟିକାକେନ୍ଦ୍ରକୁ ରାଜକୁମାର ଯାଦବ ନାମକ ଜଣେ ବ୍ୟକ୍ତି କୋଭିସିଲ୍ଡ ଟିକା ନେବା ପାଇଁ ଆସିଥିଲେ। କିନ୍ତୁ ଭୁଲ୍ରେ ସେ କରୋନା ଟିକା ବଦଳରେ ରେବିଜ ଟିକା ଦିଆ ହେଉଥିବା ଲାଇନ୍ ଠିଆ ହୋଇଥିଲେ। ସେପଟେ ନର୍ସ ଜଣଙ୍କ ତାଙ୍କର ପେପର୍ ନେଦଖି ତାଙ୍କୁ ରେବିଜ ଟିକା ଦେଇ ଦେଇଥିଲେ।
ଏହି ଘଟଣା ପରେ ଥାଣେ ନଗର ନିଗମ ପକ୍ଷରୁ କୁହାଯାଇଛି ଯେ, ଟିକା ଦେବା ପୂର୍ବରୁ ରୋଗୀଙ୍କ କେସ୍ ପେପର ଯାଂଚ କରିବା ନର୍ସର କର୍ତ୍ତବ୍ୟ। କିନ୍ତୁ ତାଙ୍କ ଅବହେଳା ଯୋଗୁଁ ଏଭଳି ଘଟଣା ଘଟିଲା। ଏଥିପାଇଁ ଉକ୍ତ ନର୍ସଙ୍କୁ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନିଲମ୍ବିତ କରାଯାଇଛି। ସେପଟେ ରେବିଜ ଟିକା ନେଇଥିବା ଯୁବକଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା ନେଇ ଥାଣେ ନଗର ନିଗମ କହିଛି।
Powered by Froala Editor
