୮ ମାସ ପରିସ୍ରା ନ କରି ରହିପାରେ ଏହି ପ୍ରାଣୀ
![୮ ମାସ ପରିସ୍ରା ନ କରି ରହିପାରେ ଏହି ପ୍ରାଣୀ](https://odishanewslens.com/news_gallery/6471_1632797015.jpg)
ପ୍ରାଣୀମାନଙ୍କ ଶରୀରରୁ ବର୍ଜ୍ୟ ଖଣିଜ ଲବଣଗୁଡ଼ିକ ଜଳୀୟ ଦ୍ରବଣ ଆକାରରେ ପରିସ୍ରା ହୋଇ ବାହାରକୁ ନିଷ୍କାସିତ ହୋଇଥାଏ । ତେଣୁ ନିୟମିତ ବ୍ୟବଧାନରେ ପରିସ୍ରା କରିବା ଏକ ସ୍ୱାଭାବିକ ପ୍ରକି୍ରୟା ଏବଂ ଏଥିଯୋଗୁଁ ପ୍ରାଣୀମାନଙ୍କର ଶରୀର ସୁସ୍ଥ ରହିଥାଏ । ଅପରପକ୍ଷେ, କୌଣସି କାରଣରୁ ପରିସ୍ରା ବନ୍ଦ ହୋଇଗଲେ ନାନା ପ୍ରକାର ସ୍ୱାସ୍ଥ୍ୟଗତ ସଂକଟ ଦେଖାଯାଇଥାଏ । ମାତ୍ର କାଠବେଙ୍ଗ ପରି ପ୍ରାଣୀ ଦୀର୍ଘ ୮ ମାସ ଯାଏ ମଧ୍ୟ ପରିସ୍ରା ନ କରି ରହିଯାଇପାରେ । ଏପରିକି ପାରିବେଶିକ ତାପମାତ୍ରା ବଢ଼ିବା ଯାଏ ଶୀତନିଦ୍ରା ପରି ଅବସ୍ଥାରେ ଅଜ୍ଞାତବାସରେ ରହିଲା ସମୟ ତକ ସେମାନେ ଏପରି ପରିସ୍ରା ନ କରି କଟାଇ ଦିଅନ୍ତି । ପରୋକ୍ଷରେ ଏହା ସେମାନଙ୍କୁ ଜୀବନଧାରଣରେ ସାହାଯ୍ୟ କରିଥାଏ । ସେମାନଙ୍କ ପାକସ୍ଥଳୀରେ ରହିଥିବା ଏକ ସ୍ୱତନ୍ତ୍ର ଧରଣର ଅଣୁଜୀବ ପରିସ୍ରାରେ ରହିଥିବା ମୁଖ୍ୟ ବର୍ଜ୍ୟ ଉପାଦାନ ୟୁରିଆକୁ ବିଘଟନ କରି ଯବକ୍ଷାରଜାନରେ ପରିଣତ କରିଥାଏ । ସୁତରାଂ ଏହି ପରିସ୍ରା ହିଁ ସେମାନଙ୍କୁ ଗୋପନ ଶୀତନିଦ୍ରା ବେଳେ ସହାୟକ ହୋଇଥାଏ ।
Powered by Froala Editor