ଆନ୍ଦୋଳନ ପାଇଁ ଅସମ୍ଭାଳ ଜାମ୍ : ଫସିଛି ଶହ ଶହ ଗାଡ଼ି
କୃଷି ଆଇନ ପ୍ରତ୍ୟାହାର ପାଇଁ କୃଷକ ସଂଗଠନ ଦେଇଛି ଭାରତ ବନ୍ଦ ଡାକରା । ଆଜି ସବୁଠି ଭାରତ ବନ୍ଦର ପ୍ରଭାବ ଦେଖିବାକୁ ମିଳୁଛି । ହେଲେ ଦିଲ୍ଲୀରୁ ସାମନାକୁ ଆସିଛି ଆଶ୍ଚର୍ୟ୍ୟ କଲା ଭଳି ଚିତ୍ର । ଦିଲ୍ଲୀ-ଗୁରୁଗ୍ରାମ ବର୍ଡରରେ କିଲୋମିଟର କିଲୋମିଟର ଯାଏ ଗାଡ଼ି ଲମ୍ବିଛି । ସକାଳୁ ହଜାର ହଜାର ଗାଡ଼ି ପଛକୁ ପଛ ଠିଆ ହୋଇଛନ୍ତି । ଭାରତ ବନ୍ଦ ସହ ଆଜି ସୋମବାର ଥିବାରୁ ଅଫିସ ଆସୁଛନ୍ତି ଲୋକ । କିନ୍ତୁ ଏତେ ଗାଡି ଜାମ୍ ହୋଇଛି ଯେ, ଘଣ୍ଟା ଘଣ୍ଟା ପରେ ବି ସ୍ୱାଭାବିକ ସ୍ଥିତି ଫେରୁନି । ଗାଡ଼ିର ଲାଇନ ଦେଖିଲେ ଆଖି ବି ପାଉନି । କୃଷକଙ୍କ ଆନ୍ଦୋଳନ ଯୋଗୁ ବହୁ ସ୍ଥାନରେ ସଡ଼କ ପଥ ବନ୍ଦ ରହିଛି ।
ସେହିପରି ଦିଲ୍ଲୀ-ଗୁରୁଗ୍ରାମ ବର୍ଡରରେ ଜାମ୍ ଲୋକଙ୍କ ଚିନ୍ତା ବଢ଼ାଇ ଦେଇଛି । ଦିଲ୍ଲୀ-ନୋଏଡା-ଦିଲ୍ଲୀ ଏକ୍ସପ୍ରେସ ଓ୍ୱେରେ ବି ଜାମ୍ ଅସମ୍ଭାଳ । ଆନ୍ଦୋଳନ ଯୋଗୁ ଗାଜିପୁର ବର୍ଡର, ସିଂଘୁ ବର୍ଡର, ଏନଏଚ-୯, ଏନଏଚ-୨୪ ଯୋଗୁ ଜାମ୍ ରହିଛି । ପୋଲିସ ସୀମାରେ ଗାଡ଼ି ଯାଞ୍ଚ କରୁଛି ।
Powered by Froala Editor
