ବେଳେ ବେଳେ ଆମର ରକ୍ତ ପରୀକ୍ଷା ପାଇଁ ଶରୀରରୁ ସିରିଞ୍ଜରେ ରକ୍ତ ଟାଣିଲା ବେଳେ ବା କୌଣସି ଜଖମକୁ ପରିଷ୍କାର କରି ସିଲାଇବା ବେଳେ ଆମକୁ ଯନ୍ତ୍ରଣା ହୋଇଥାଏ । ଏପରିକି ସେହି ଚିନ୍ତାରେ ଅନେକ ମଧ୍ୟ ଇଞ୍ଜେକସନ ନେବାକୁ ଲୁଚିଥାନ୍ତି । ସେହିପରି ଝୁଣ୍ଟି ପଡ଼ିଲେ କି ଦେହର କେଉଁ ପବନ ଅଟକି ଗଲେ ଆମକୁ କଷ୍ଟ ଲାଗିଥାଏ । ଏଥିରୁ ଉପଶମ ପାଇବା ପାଇଁ ଆମେ କୌଣସି ମଲମ ମାରିଥାଉ କିମ୍ବା ବଟିକା ଖାଇଥାଉ । ମାତ୍ର ସାମାନ୍ୟରୁ ମଧ୍ୟମ ଧରଣର ଯନ୍ତ୍ରଣା ପାଇଁ ଆମକୁ ଆଉ ପୀଡ଼ାହାରକ ବଟିକା କି ମଲକ ଖୋଜିବାକୁ ପଡ଼ିବନି । ଗବେଷକମାନେ ସେମାନଙ୍କ ଅନୁଧ୍ୟାନରୁ ସେଥିପାଇଁ ଏକ ନୂଆ କୌଶଳ ଜାଣିପାରିଛନ୍ତି । ସେମାନଙ୍କ ନିର୍ଯାସ ଅନୁଯାୟୀ, ଆମକୁ କେବେ ପୀଡ଼ା ଲାଗିଲା ବେଳେ ପାଖରେ ଯଦି ନିଜ ସନ୍ତାନ କି ଆତ୍ମୀୟ ଲୋକଙ୍କର ଅଥବା ଅନ୍ତରଙ୍ଗ ବନ୍ଧୁଙ୍କର ଫଟୋକୁ ଚାହିଁ ରହିବା, ତେବେ ମଧ୍ୟମ ଧରଣର ପୀଡା ୪୦ ପ୍ରତିଶତ କମ ଜଣାପଡ଼ିବ । ଏପରିକି ଫଟୋକୁ ସେମିତି ଚାହିଁ ଆତ୍ମୀୟଙ୍କ କଥା ମନରେ ସ୍ମରଣ କଲେ ଅତ୍ୟଧିକ ଯନ୍ତ୍ରଣା ୧୫ ରୁ ୨୦ ପ୍ରତିଶତ କମିଯାଇଥାଏ । ଏହାର କାରଣ ହେଲା କଷ୍ଟ ଅନୁଭବ କରିବା ପାଇଁ ଉଦ୍ଧିଷ୍ଟ ସ୍ନାୟୁଗୁଡ଼ିକର ସମ୍ବେଦନଶୀଳତା ଏପରି ଆତ୍ମୀୟଙ୍କ ଫଟୋକୁ ଚାହିଁବା ବେଳେ ବା ମନେ ପକାଇବା ବେଳେ କମିଯାଇଥାଏ । ସେହିପରି ଅନ୍ୟ ଏକ ଅନୁଧ୍ୟାନରୁ ଆମ ପି୍ରୟ ବୃକ୍ଷଲତାର ଫଟୋ ଦେଖିଲେ ଆମକୁ ମାନସିକ ଶାନ୍ତି ମିଳିବା ସହ ଆମର କାର୍ଯ୍ୟଦକ୍ଷତା ଯଥେଷ୍ଟ ବଢ଼ାଇଦେବ ବୋଲି ଜଣାଯାଇଛି ।

Powered by Froala Editor