ଆଫଗାନିସ୍ତାନର ନଙ୍ଗରହାରରେ ସିରିଜ୍ ବିସ୍ଫୋରଣ
ଆଫଗାନିସ୍ତାନର ନଙ୍ଗରହାର ପ୍ରଦେଶରେ ସିରିଜ୍ ବିସ୍ଫୋରଣ ହୋଇଛି। ତାଲିବାନୀଙ୍କ ଗାଡ଼ିକୁ ଟାର୍ଗେଟ କରି ଏପରି ସିରିଜ୍ ବିସ୍ଫୋରଣ କରାଯାଇଛି। ଏଥିରେ ଏଯାଏ ୩ ଜଣଙ୍କ ମୃତଦେହ ମିଳିଥିବା ବେଳେ ୨୦ରୁ ଅଧିକ ଲୋକ ଆହତ ହୋଇଛନ୍ତି। ତେବେ ହମଲା ପାଇଁ ଏଯାଏ କୌଣସି ସଂଗଠନ ନିଜକୁ ଦାୟୀ କରି ନାହାନ୍ତି। ଘଟଣା ପରେ ପୂରା ଅଞ୍ଚଳରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି।
ସୂଚନା ଅନୁଯାୟୀ, ନଙ୍ଗରହାରର ରାଜଧାନୀ ଜଲାଲାବାଦରେ କ୍ରମାଗତ ୩ଟି ବିସ୍ଫୋରଣ ହୋଇଛି। କୁହାଯାଉଛି ଯେ ଏହି ଅଞ୍ଚଳରେ ସକ୍ରିୟ ଥିବା ଆଇଏସ୍ଆଇଏସ୍ ଆତଙ୍କବାଦୀମାନେ ଏପରି ହମଲା କରିଛନ୍ତି। ତାଲିବାନୀ ବନ୍ଧୁକଧାରୀମାନେ ବିଭିନ୍ନ ଅଞ୍ଚଳରେ ସର୍ଚ୍ଚ ଅପରେସନ ମଧ୍ୟ ଆରମ୍ଭ କରିଥିବା ଜଣାପଡ଼ିଛି।
ଅନ୍ୟପକ୍ଷରେ ଆଫଗାନର ରାଜଧାନୀ କାବୁଲରେ ମଧ୍ୟ ବୋମା ବିସ୍ଫୋରଣ ହୋଇଛି। ଏଥିରେ ୨ ଜଣ ଆହତ ହୋଇଛନ୍ତି। ତେବେ କାହାକୁ ଟାର୍ଗେଟ କରି ଏପରି ବିସ୍ଫୋରଣ ହୋଇଥିଲା ସେକଥା ଜଣାପଡ଼ିନି।
Powered by Froala Editor
