ନୂଆଦିଲ୍ଲୀ: ଆତଙ୍କବାଦୀ ସଂଗଠନ ଆଇଏସ (ଇସଲାମିକ ଷ୍ଟେଟ) ଭାରତରେ ତା'ର ନେଟୱାର୍କକୁ ବିସ୍ତାର କରିବାକୁ ଚାହୁଁଛି । ସେଥିପାଇଁ ବାରମ୍ବାର ପ୍ରୟାସ କରୁଛି । ଦେଶର ଯୁବଗୋଷ୍ଠୀଙ୍କୁ ଆକୃଷ୍ଟ କରିବାକୁ ଉଦ୍ୟମ ଜାରି ରଖିଛି । ଜାତୀୟ ତଦନ୍ତକାରୀ ସଂସ୍ଥା (ଏନଆଇଏ) ପକ୍ଷରୁ ଏଭଳି ସତର୍କ ସୂଚନା ଦିଆଯାଇଛି । ଏଜେନ୍ସି ଅନୁସାରେ ଆଇଏସ ପକ୍ଷରୁ ସୋସିଆଲ ମିଡିଆ ମାଧ୍ୟମରେ ଯୁବଗୋଷ୍ଠୀଙ୍କୁ ଆକୃଷ୍ଟ କରିବାକୁ ଉଦ୍ୟମ କରାଯାଉଛି । କେହି ସେମାନଙ୍କ ବିଚାରାଧାରା ପ୍ରତି ଆଗ୍ରହ ଦେଖାଇଲେ ସେମାନଙ୍କୁ ଫେସବୁକ, ଟୁଇଟର ଓ ଇନଷ୍ଟାମରେ ଭଳି ସୋସିଆଲ ମିଡିଆ ଜରିଆରେ ହ୍ୟାଣ୍ଡଲରମାନଙ୍କ ମାଧ୍ୟମରେ ବିଦେଶରେ ରହୁଥିବା ହ୍ୟାଣ୍ଡଲରମାନଙ୍କ ସହ ଯୋଗାଯୋଗ କରାଇ ଦିଆଯାଇଥାଏ । ଏହା ପରେ ହ୍ୟାଣ୍ଡଲରମାନେ ସମ୍ପୃକ୍ତ ବ୍ୟକ୍ତିଙ୍କ ବ୍ରେନୱାଶ କରିଥାନ୍ତି । ସେମାନଙ୍କୁ ଅନଲାଇନ କଣ୍ଟେଣ୍ଟ ଅପଲୋଡ, ଆଇଏସର ବାର୍ତ୍ତାକୁ ସ୍ଥାନୀୟ ଭାଷାକୁ ଅନୁବାଦ, ଆତଙ୍କୀ ମୋଡୁ୍ୟଲ ପ୍ରସ୍ତୁତି, ଅସ୍ତ୍ରଶସ୍ତ୍ର ସଂଗ୍ରହ, ଆଇଇଡି ପ୍ରସ୍ତୁତି ଏପରିକି ଆତଙ୍କୀ ଆକ୍ରମଣ ପାଇଁ ବ୍ୟବହାର କରିଥା"ି । ବର୍ତ୍ତମାନ ସୁଦ୍ଧା ସଂଗଠନ ପକ୍ଷରୁ ଆଇଏସ ବିଚାରଧାରା ଦ୍ୱାରା ପ୍ରେରିତ ହୋଇ ଦେଶର ଭିନ୍ନ ଭିନ୍ନ ସ୍ଥାନରେ କରାଯାଇଥିବା ୩୭ଟି ଆତଙ୍କୀ ଆକ୍ରମଣ ଓ ଷଡଯନ୍ତ୍ର ସମ୍ପର୍କରେ ତଦନ୍ତ କରାଯାଇଛି ।

Powered by Froala Editor