ଘରେ ଗଛ ଲାଗାଇବାକୁ ସମସ୍ତେ ପସନ୍ଦ କରିଥାନ୍ତି । କାରଣ ଗଛ ପରିବେଶକୁ ଥଣ୍ଡା ରଖିବା ସହିତ ମନକୁ ଶାନ୍ତି ଦେଇଥାଏ । କିନ୍ତୁ ଏପରି କିଛି ଗଛ ଅଛି ଯାହାକୁ ଘରେ ଲଗାଇବା ଦ୍ୱାରା ବିପଦ ମାଡି ଆସିଥାଏ । ବାସ୍ତୁଶାସ୍ତ୍ରରେ ଏପରି କିଛି ଗଛ ଅଛି ଯାହା ଦେଖିବାକୁ ସୁନ୍ଦର ହୋଇଥିଲେ ମଧ୍ୟ ସେଗୁଡିକ ଘର ପାିଁ ଶୁଭ ହୋଇନଥାଏ । ସେହି ଗଛ ଗୁଡିକ ହେଲା, -କଇଁଆ: କଇଁଆ ଖାଇବାକୁ ସମସ୍ତେ ପସନ୍ଦ କରିଥାନ୍ତି । ଏହି ଗଛ ଦେଖିବାକୁ ଖୁବ ସୁନ୍ଦର କିନ୍ତୁ ଏହାକୁ ଘରର ଆଖପାଖରେ ଲଗାଇବା ଉଚିତ୍ ନୁହେଁ । ବାସ୍ତୁ ଅନୁସାରେ ଏହି ଗଛରେ ଖାରାପ ଆତ୍ମାମାନେ ବାସ କରିଥାନ୍ତି । ତେଣୁ ଏହି ଗଛ ଥିବା ସ୍ଥାନରେ ଘର କରିବା ଉଚିତ୍ ନୁହେଁ । -ମଞ୍ଜୁଆତି ଗଛ: ଏହି ଗଛଟି ଅନେକ କାମରେ ଲାଗିଥାଏ । ଏହି ମେହେନ୍ଦି ଗଛ ପ୍ରାୟ ସମସ୍ତଙ୍କ ଘରେ ଥାଏ । ଏହାର ପତ୍ରକୁ ବାଟି ମହିଳାମାନେ ହାତରେ ଓ କେଶରେ ଲଗାଇଥାନ୍ତି । ହେଲେ ବାସସ୍ତୁ ଅନୁସାରେ ଏହା ଘର ପାଇଁ ଅଶୁଭ ହୋଇଥାଏ । -କଣ୍ଟା ଜାତୀୟ ବୃକ୍ଷ: ଗୋଲାପକୁ ଛାଡି ଦେଲେ ଘରେ ଅନ୍ୟ କୌଣସି କଣ୍ଟା ଜାତୀୟ ଗଛ ଲଗାନ୍ତୁ ନାହିଁ । ଘର ହେଉ କି କାର୍ଯ୍ୟାଳୟରେ ଆକର୍ଷଣୀୟ ଦେଖାଯାଉଥିବା କାକ୍ଟସ ଗଛ କିମ୍ବା ଅନ୍ୟ କୌଣସି ଗଛ ଲଗାନ୍ତୁ ନାହିଁ । -କପାସ: ଏହି ଗଛ ଘରର ଆଖପାଖରେ ରହିଲେ ଅଶୁଭ ମନାଯାଇଥାଏ । ତେଣୁ ଏହାକୁ ଘରେ କେବେବି ଲଗାନ୍ତୁ ନାହିଁ । -ପଟେଡ ପ୍ଲାଣ୍ଟ: ଘରକୁ ଆକର୍ଷଣୀୟ କରିବା ପାଇଁ ଆମେ ପଟେଡ ପ୍ଲାଣ୍ଟ ଜୁଲାିଥାଉ । ତେବେ ଏଗୁଡିକ ଘରର ୁତ୍ତର ଓ ପୂର୍ବ କାନ୍ଥରେ କେବେ ଲଗାଇବା ଉଚିତ୍ ନୁହେଁ । -ଶୁଖି ଯାଇଥିବା ଗଛ: ଝାଉଁଳି ପଡିଥିବା ଗଛ କେବେ ଘରେ ରଖନ୍ତୁ ନାହିଁ, ଏହା ଭାଗ୍ୟ ଉପରେ ନକରାତ୍ମକ ପ୍ରଭାବ ପକାଇଥାଏ । -ବୋନସାଇ: ଆଜିକାଲି ବୋନସାଇ ଘରେ ରଖିବାକୁ ସମସ୍ତେ ପସନ୍ଦ କରୁଛନ୍ତି । କିନ୍ତୁ ଏହା ଘର ଲୋକଙ୍କ ପ୍ରଗତିରେ ବାଧା ସୃଷ୍ଟି କରିଥାଏ । ସେହିଭଳି ନାଲି ରଙ୍ଗ ଫୁଲ ଥିବା ଗଛ ଘର ଭିତରେ ଲଗାନ୍ତୁ ନାହିଁ ।

Powered by Froala Editor