ପୋଖରୀରେ ବୁଡି ଦୁଇ ଭଉଣୀ ମୃତ ।
କେନ୍ଦୁଝର ଜିଲ୍ଲା ତେଲକୋଇ ଥାନା ଜଗମୋହନପୂର୍ ଗ୍ରାମ ମଣ୍ଡା ସାହିରେ ଅଭାବନୀୟ ଘଟଣା ଘଟିଛି। ପୋଖରୀରେ ବୁଡ଼ି ଦୁଇ ଭଉଣୀଙ୍କ ମୃତ୍ୟୁ ହୋଇଛି । ସେମାନେ ହେଲେ ଯୋଗୀ ମୁଣ୍ଡା ଓ ଲକ୍ଷ୍ମୀ ମୁଣ୍ଡାଙ୍କ ଝିଅ ସୁଇଟି ମୁଣ୍ଡା(୩) ଏବଂ ସୁଶିଲ ମୁଣ୍ଡା ଓ ରାଇବାରି ମୁଣ୍ଡାଙ୍କ ଝିଅ ପରୀ ମୁଣ୍ଡା(୪) । ଉଭୟ ସମ୍ପର୍କରେ ଦାଦା ଝିଅ ଓ ବଡ଼ ବାପାଙ୍କ ଝିଅ ବୋଲି ଜଣା ପଡିଛି ।

ସୂଚନା ମୁତାବକ, ଯୋଗୀ ମୁଣ୍ଡା ନିକଟସ୍ଥ ବିଞ୍ଜବହାଳ ଗ୍ରାମରେ ଗୋରୁ ଚରାଇବାକୁ ଯାଇଥିବା ବେଳେ ପତ୍ନୀ ଲକ୍ଷ୍ମୀ ମୁଣ୍ଡା ସ୍ବାମୀ ଙ୍କ ଖାଇବା ନେଇ ଗୋରୁ ଚରା ସ୍ଥାନକୁ ଯାଇଥିଲେ । ଅନ୍ୟପଟେ ସୁଶିଲ ଓ ରାଇବାରି ମୁଣ୍ଡା ଦିନ ମଜୁରିଆ ଭାବେ କାମ କରିବାକୁ ଚାଲି ଯାଇଥିଲେ । ଘରେ କେବଳ ସୁଈଟି ଓ ପରୀ ସହ ୬ ବର୍ଷର ଭାଇ ରାହୁଲ ମୁଣ୍ଡା ଘରେ ଥିଲା । ସୁଈଟି ଓ ପରୀ ଅପରାହ୍ନରେ ଖେଳିବାକୁ ଯାଇ ପୋଖରୀ ଆଡେ ଚାଲି ଯାଇଥିଲେ । କିଛି ସମୟପରେ ସୁଶିଲ ଭଉଣୀଙ୍କୁ ଖୋଜି ଖୋଜି ଆସି ପୋଖରୀ ନିକଟରେ ପହଂଚି ଥିଲା । ପାଣିରେ ଦୁଇ ଭଉଣୀ ପଡ଼ି ଥିବା ଦେଖି ରାହୁଲ ଭଉଣୀ ସୁଈଟିକୁ ପାଣିରୁ ଉଠାଇ ବାହାରକୁ ଆଣିଥିଲା ଏବଂ ପରିକୁ ଆଣି ପାରି ନଥିଲା । କିଛି ସମୟ ପରେ ସୁଶିଲର ମା ଲକ୍ଷ୍ମୀ ମୁଣ୍ଡା ପୋଖରୀକୁ ଆସି ଝିଅ ପରୀ ମୁଣ୍ଡକୁ ଉଦ୍ଧାର କରିଥିଲେ । ପରିବାର ଲୋକ ସଙ୍ଗେ ସଙ୍ଗେ ଉଭୟଙ୍କୁ ଆମ୍ବୁଲାନ୍ସ ଯୋଗେ ତେଲକୋଇ ମେଡ଼ିକାଲରେ ଆଣି ଭର୍ତି କରିଥିଲେ । ହେଲେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ ।

Powered by Froala Editor