ଭୁବନେଶ୍ୱର: ନିଜକୁ ଜଣେ ସମ୍ମାନଜନକ ଆଇଏଏସ୍ (IAS) ଅଧିକାରୀ ପରିଚୟ ଦେଇ ସାଧାରଣ ଲୋକଙ୍କୁ ଠକୁଥିବା ଏକ ବଡ଼ ଠକକୁ ଗିରଫ କରିବାରେ ସଫଳ ହୋଇଛି କମିଶନରେଟ୍ ପୋଲିସ। ଭୁବନେଶ୍ୱରର ସହିଦନଗର ଥାନା ପୋଲିସ ଏହି ନକଲି ସବ୍ କଲେକ୍ଟରଙ୍କୁ ମାଡ଼ି ବସିଛି। ଗିରଫ ହୋଇଥିବା ଏହି ବହୁରୂପୀ ମହାଠକ ଜଣକ ହେଉଛନ୍ତି ଆନ୍ଧ୍ରପ୍ରଦେଶ ବିଶାଖାପାଟଣା ଅଞ୍ଚଳର ବରଦା ସୁଧୀର। ସେ ଦୀର୍ଘ ଦିନ ହେବ ସ୍ଥାନୀୟ ଲୋକଙ୍କୁ ନିଜର ମିଛ ପରିଚୟ ଦେଇ ଲୁଟ୍‌ତରାଜ ଚଳାଇଥିବା ଅଭିଯୋଗ ହୋଇଛି।
ଅଭିଯୋଗ ଅନୁଯାୟୀ, ଅଭିଯୁକ୍ତ ବରଦା ସୁଧୀର ନିଜକୁ ‘ଭୁବନେଶ୍ୱରର ସବ୍ କଲେକ୍ଟର’ (Sub-Collector of Bhubaneswar) ବୋଲି ପରିଚୟ ଦେଉଥିଲା। ସରକାରୀ ପଦବୀ ଏବଂ IAS ଅଧିକାରୀର ରୋବ୍ ଦେଖାଇ ସେ ବିଭିନ୍ନ କାମ କରାଇଦେବା ବାହାନାରେ ଲୋକଙ୍କଠାରୁ ମୋଟା ଅଙ୍କର ଟଙ୍କା ଠକୁଥିଲା। ସେ କେବଳ ମିଛ କହୁନଥିଲା, ବରଂ ଲୋକମାନେ ଯେପରି ତାଙ୍କୁ ସତ ବୋଲି ବିଶ୍ୱାସ କରିବେ, ସେଥିପାଇଁ ପୂରା ହାଇ-ପ୍ରୋଫାଇଲ୍ ଷ୍ଟାଇଲ୍‌ରେ ନିଜକୁ ଉପସ୍ଥାପନ କରୁଥିଲା।ବରଦା ସୁଧୀରଙ୍କର ଏହି ନକଲି ଅଧିକାରୀ ସାଜିବା ଏବଂ ଠକେଇ କରିବା ନେଇ ସହିଦନଗର ଥାନାରେ ଅଭିଯୋଗ ହେବା ପରେ ପୋଲିସ ତୁରନ୍ତ ତଦନ୍ତ ପ୍ରକ୍ରିୟା ଆରମ୍ଭ କରିଥିଲା। ଏକ ସ୍ୱତନ୍ତ୍ର ଟିମ୍ ଗଠନ କରାଯାଇ ଅଭିଯୁକ୍ତକୁ ଧରିବା ପାଇଁ ଜାଲ ବିଛାଯାଇଥିଲା ଏବଂ ଶେଷରେ ତାକୁ ଗିରଫ କରାଯାଇଛି।

Powered by Froala Editor