ଡିସେମ୍ବର ସୁଦ୍ଧା ସହରୀ ଘରର ଡିଜିଟାଲ ନମ୍ବର
ଭୁବନେଶ୍ୱର : ସହରାଂଚଳରେ ସବୁ ଘର, ବ୍ୟବସାୟିକ ପ୍ରତିଷ୍ଠାନ ଓ ଅଂଚଳର ସ୍ୱତନ୍ତ୍ର ଡିଜିଟାଲ ନମ୍ବର ରହିବ । ପ୍ଲେଟରେ ବାର କୋଡ୍ ସହ ସ୍ମାର୍ଟ ଠିକଣା ରହିଲେ ନିର୍ଦ୍ଧିଷ୍ଟ ସ୍ଥାନରେ ଠିକଣା ପାଇବା ସହଜ ହେବ ଓ ସହରାଂଚଳର ବିଭିନ୍ନ ସେବା ଠିକ୍ ଭାବେ ମିଳିପାରିବ । ଏହି ପ୍ରକଳ୍ପ କାର୍ଯ୍ୟକାରୀ କରିବା ପାଇଁ ନୂଆଦିଲ୍ଲୀର ଜିଆଇଏସ କନସୋରଟିୟମକୁ ଦାୟିତ୍ୱ ଦିଆଯାଇଛି । ଏଥିପାଇଁ କ୍ଷେତ୍ର ସର୍ଭେ ଅଗଷ୍ଟ ମାସରୁ ଆରମ୍ଭ ହୋଇ ଡିସେମ୍ବର ସୁଦ୍ଧା ଶେଷ ହେବ । ୨୦୨୨ ଜୁଲାଇ ଭିତରେ ସମ୍ପୂର୍ଣ୍ଣ ପ୍ରକଳ୍ପ କାର୍ଯ୍ୟକାରୀ ହେବ । ଏହି ଯୋଜନାକୁ ସଫଳ କରିବା ପାଇଁ ଭର୍ଚୁଆଲ ପ୍ଲାଟଫର୍ମରେ ଏକ ବୈଠକ ଅନୁଷ୍ଠିତ ହୋଇଯାଇଛି । ପୌର ପ୍ରଶାସନ ନିଦେ୍ର୍ଧଶକଙ୍କ ସମେତ ଅନ୍ୟ ବରିଷ୍ଠ ଅଧିକାରୀମାନେ ପ୍ରକଳ୍ପ ସମ୍ପର୍କରେ ସୂଚନା ଦେଇଥିଲେ । ବିଭିନ୍ନ ପୌରସଂସ୍ଥାର ଅଧିକାରୀମାନେ ବୈଠକରେ ସାମିଲ ହୋଇଥିଲେ ।
Powered by Froala Editor
