ରେଳମନ୍ତ୍ରୀଙ୍କ ନକଲି ପିଏ ଗିରଫ
ଭୁବନେଶ୍ୱର : ରେଳମନ୍ତ୍ରୀଙ୍କ ପିଏ ବୋଲି ପରିଚୟ ଦେଉଥିବା ଜଣେ ଠକକୁ ପୁଲିସ ଗିରଫ କରିଛି । ଦିଲ୍ଲୀରୁ କମିଶନରେଟ ପୁଲିସ ଠକ ଗୋପାଳ ଶତପଥିକୁ ଗିରଫ କରିଥିବା ଜଣାପଡ଼ିଛି । ଏବେ ତାକୁ ଦିଲ୍ଲୀରୁ ଭୁବନେଶ୍ୱର ଅଣାଯାଉଛି ।
ଗୋପାଳ ନାମରେ ଚନ୍ଦ୍ରଶେଖର ପୁର ଥାନାରେ ୨ଟି ମାମଲା ରୁଜୁ କରାଯାଇଥିବା ନେଇ ସୂଚନା ମିଳିଛି ।
ରେଳମନ୍ତ୍ରୀଙ୍କ ପିଏ ବୋଲି ପରିଚୟ ଦେଇ ସେ ରେଳ ବିଭାଗରୁ ଫାଇଦା ହାସଲ କରିବାକୁ ଚେଷ୍ଟା କରୁଥିଲା । ନିକଟରେ ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ପିଏ ବୋଲି ପରିଚୟ ଦେଇ ବଦଳି ପାଇଁ ଚାପ ପକାଉଥିବା ଦୁଇଜଣ ବ୍ୟକ୍ତିଙ୍କୁ ଦିଲ୍ଲୀ ପୁଲିସ ଗିରଫ କରିଥିଲା । ସମର୍ଥ ଓ ତାଙ୍କ ବାପା ଅଜୟକୁ ଗିରଫ କରାଯାଇଥିଲା । ଏହା ପରେ ଅନ୍ୟ ଯେଉଁମାନେ ରେଳମନ୍ତ୍ରୀଙ୍କ ପିଏ ବୋଲି ପରିଚୟ ଦେଇ କାମ ହାସଲ କରିବାକୁ ଚାହୁଁଥିଲେ ସେମାନଙ୍କ ଉପରେ ନିଘା ରଖାଯାଇଥିଲା ।
Powered by Froala Editor
