ସମିତି ସଭ୍ୟଙ୍କ ସମେତ ୪ ଜଣଙ୍କୁ ଘରେ ପଶି ମରଣାନ୍ତକ ଆକ୍ରମଣ
ଗଞ୍ଜାମ : ସମିତି ସଭ୍ୟଙ୍କ ସମେତ ୪ ଜଣଙ୍କୁ ମରଣାନ୍ତକ ଆକ୍ରମଣ। ଗଞ୍ଜାମ ଜିଲ୍ଲା ପୁରୁଷୋତ୍ତମ ଥାନା କୁଶପୁର ଗାଁରେ ବିବାହ ପ୍ରୋସେସନକୁ କେନ୍ଦ୍ର କରି ତୁମୁଳକାଣ୍ଡ ଦେଖିବାକୁ ମିଳିଛି। ପଞ୍ଚାୟତ ସମିତି ସଭ୍ୟଙ୍କ ସମେତ ୪ ଜଣଙ୍କୁ ଘରେ ପଶି ମରଣାନ୍ତକ ଆକ୍ରମଣ କରାଯାଇଛି। ଗତକାଲି ବିଳମ୍ବିତ ରାତିରେ ଏଭଳି ଘଟଣା ଘଟିଛି। ଶୁକ୍ରବାର ରାତିରେ ଏକ ବିବାହ ଶୋଭାଯାତ୍ରା ପୁରା ଗାଁ ପରିକ୍ରମା କରିଥିଲା। ଏବଂ ଏହି ଶୋଭାଯାତ୍ରା ରେ କିଛି ଯୁବକ ଇଟା, ପଥର ଫୋପଡା ଫୋପାଡି କରୁଥିବାବେଳେ ସାହି ବାସିନ୍ଦା ଏହାକୁ ବିରୋଧ କରିଥିଲେ।
ତେବେ ଘଟଣା ଉଗ୍ର ରୂପ ନେଇଥିଲା। ଅଚାନକ ୧୦ରୁ ୧୨ ଜଣ ଯୁବକ ଆସି ବାରଣ କରିଥିବା ଲୋକଙ୍କର ଘରେ ପଶି ଖଣ୍ଡା ଓ ଲୁହା ଛଡରେ ଆକ୍ରମଣ କରିଥିଲେ। ଆକ୍ରମଣରେ ବାଘଳା ପଞ୍ଚାୟତର ସମିତି ସଭ୍ୟ ପ୍ରକାଶ ଚନ୍ଦ୍ର ନାହକଙ୍କ ସମେତ ୪ ଜଣ ଗୁରୁତର ହୋଇଛନ୍ତି।
Powered by Froala Editor
