ଦିଶା ପଟାନୀଙ୍କ ଘରକୁ ପୁଣି ଗୁଳିମାଡ
ବରେଲି: ବଲିଉଡ୍ ଅଭିନେତ୍ରୀ ଦିଶା ପଟାନୀଙ୍କ ଘରକୁ ପୁଣି ଗୁଳିମାଡ ହୋଇଛି। ଆଜି ଦ୍ଵିତୀୟଥର ପୁର୍ନବାର ଉତ୍ତରପ୍ରଦେଶ ବରେଲୀସ୍ଥିତ ଘର ଉପରକୁ କେହି ଦୁର୍ବୁତ୍ତ ଗୁଳିମାଡ କରିଛନ୍ତି। ୨୫ ଘଣ୍ଟା ମଧ୍ୟରେ ଏହା ହେଉଛି ଦ୍ଵିତୀୟ ଗୁଳିମାଡ। ତେବେ ଅଭିଯୁକ୍ତର ସ୍କେଚ୍ ସାମ୍ନାକୁ ଆସିଥିବାବେଳେ ଧରିବାକୁ ନୋଏଡା ଓ ମିରଟରେ ଏସଟିଏଫ୍ ଟିମ୍ ଚଢାଉ ଜାରି ରଖିଛି। ତେବେ ଗୁରୁବାର ବିଳମ୍ବିତ ରାତିରେ ମଧ୍ୟ ଦିଶାଙ୍କ ଘର ଉପରକୁ ଗୁଳିମାଡ ହୋଇଥିଲା। ଦିଶା ନିକଟରେ ହିନ୍ଦୁ ଧର୍ମଗୁରୁ ପ୍ରେମାନନ୍ଦଜୀ ମହାରାଜଙ୍କୁ ଅପମାନିତ କରିଥିବାରୁ ତାଙ୍କ ଘର ଉପରକୁ ଗୁଳିମାଡ କରାଯାଇଥିବା କୁହାଯାଇଛି। ଏହା ବଲିଉଡ କଳାକାରଙ୍କୁ ଏକପ୍ରକାର ଚେତାବନୀ। ଯଦି ଭବିଷ୍ୟତରେ କୌଣସି କଳାକାର ଏଭଳି କାର୍ଯ୍ୟର ପୁନରାବୃତ୍ତି ଘଟାନ୍ତି, ତେବେ ପରିଣାମ ଭୟାବହ ହେବ ବୋଲି ଚେତାବନୀ ଦିଆଯାଇଛି।
Powered by Froala Editor
