କେମିତି ଏ ବାପା ମା’ । ୧୦ ବର୍ଷର ପୁଅକୁ ଏୟାରପୋର୍ଟରେ ଛାଡି ଚାଲିଗଲେ ବିଦେଶ ବୁଲିବାକୁ । ହଁ ଏଭଳି ନିଷ୍ଠୁର ବାପା ମାଙ୍କ କାରଦାମା ସାମନାକୁ ଆସିବା ପରେ ୟୁଜର୍ସ ନିନ୍ଦା କରିଛନ୍ତି । ଏ ଘଟଣା ହେଉଛି ସ୍ପେନ ବାର୍ସିଲୋନାର । ପିଲାଟିର ପାସପୋର୍ଟର ଏକ୍ସପାୟରୀ ଶେଷ ହୋଇଯିବାରୁ ପିଲାକୁ ଛାଡ଼ି ଯାତ୍ରା ଆରମ୍ଭ କରିଥିଲେ ଏହି ବାପା, ମା’।

ପିଲା ସହିତ ଘଟିଥିବା ଦୁଃଖଦ ଘଟଣାଟିକୁ ଟର୍ମିନାଲ କର୍ମଚାରୀ ଲିଲିଆନ୍ ଏକ ଭିଡିଓ ସହିତ ସୋସିଆଲ ମିଡିଆରେ ସେୟାର କରଛନ୍ତି। ଲିଲିଆନ୍‌ଙ୍କ ଅନୁଯାୟୀ, ବୁଧବାର ଦିନ ବାର୍ସିଲୋନା ବିମାନବନ୍ଦରରେ ଦମ୍ପତି ତାଙ୍କ ପିଲାକୁ ଛାଡ଼ି ବିଦେଶ ପଳାଇଥିଲେ। ପିଲାଟିର ପାସପୋର୍ଟ ଏକ୍ସପାୟରୀ ପାଇଁ ଉଡ଼ାଣ ଭରିବାକୁ ପିଲାଟିକୁ ମନା କରାଯାଇଥିଲା।

ପିଲାଟି କହିଛନ୍ତି ବାପା,ମା ଛୁଟି ପାଇଁ ସେମାନଙ୍କ ଦେଶକୁ ଯାଇଛନ୍ତି। ତାଙ୍କ ପାସପୋର୍ଟର ଏକ୍ସପାୟରୀ ହୋଇଯାଇଥିଲା, ତେଣୁ ସେ ସ୍ପାନିସ୍ ପାସପୋର୍ଟ ସହିତ ଯାତ୍ରା କରୁଥିଲେ। ସ୍ପାନିସ୍ ପାସପୋର୍ଟ ପାଇଁ ଭିସା ଆବଶ୍ୟକ ଥିଲା। ସେମାନଙ୍କ ପାଖରେ ଭିସା ନଥିଲା, ତେଣୁ ସେମାନେ ମତେ ଟର୍ମିନାଲରେ ଛାଡି ଦେଇଥିଲେ ଏବଂ ଜଣେ ସମ୍ପର୍କୀୟଙ୍କୁ ଡାକି ତାଙ୍କୁ ମତେ ନେବାକୁ କହିଥିଲେ।

ଏୟାର ଟ୍ରାଫିକ୍ ସଂଯୋଜକ କହିଛନ୍ତି ବାପା,ମା’ମାନେ ତାଙ୍କୁ ନେବାକୁ ଜଣେ ସମ୍ପର୍କୀୟଙ୍କୁ ପଠାଇଛନ୍ତି।

Powered by Froala Editor