କେନ୍ଦ୍ର ସରକାର ୩୫ ଅତ୍ୟାବଶକୀୟ ଔଷଧର ମୂଲ୍ୟ ହ୍ରାସ କରିଛନ୍ତି। କେମିକାଲସ୍ ଓ ଫର୍ଟିଲାଇଜର ମନ୍ତ୍ରାଳୟ ରବିବାର ଏହି ସୂଚନା ଦେଇଛି। ଏହି ଔଷଧଗୁଡ଼ିକ ଅନେକ ବଡ଼ ଫାର୍ମା କମ୍ପାନୀ ଦ୍ୱାରା ବିକ୍ରି କରାଯାଏ ଏବଂ ଏଥିରେ ଆଣ୍ଟି-ଇନଫ୍ଲେମେଟୋରି, ହୃଦରୋଗ, ଆଣ୍ଟିବାୟୋଟିକ୍, ମଧୁମେହ ଏବଂ ମାନସିକ ରୋଗ ଭଳି ଗୁରୁତ୍ୱପୂର୍ଣ୍ଣ ଔଷଧ ଅନ୍ତର୍ଭୁକ୍ତ।

ଯେଉଁ ସବୁ ଔଷଧର ମୂଲ୍ୟ ହ୍ରାସ ହୋଇଛି ସେଥିରେ ଏସିକ୍ଲୋଫେନାକ, ପ୍ୟାରାସିଟାମଲ, ଟ୍ରିପ୍ସିନକାଇମୋ ଟ୍ରିପସିନ, ଆମୋକ୍ସିଲିନ ପୋଟାସିୟମ କ୍ଲେଭୁଲେନେଟ୍, ଏଟୋରଭାଷ୍ଟେଟିନ କ୍ଲୋପିଡୋଗ୍ରେଲ ଓ ଡାୟବେଟିଜ ଔଷଧ ଯେପରିକି ଏମ୍ପାଗ୍ଲିଫ୍ଲୋଜିନ, ସିଟାଗ୍ଲିପ୍ଟିନ ଓ ମେଟାଫର୍ମିନ ଭଳି କମ୍ବିନେସନ ଔଷଧ ମଧ୍ୟ ରହିଛି। ଏହି ସବୁ ଔଷଧର ନୂଆ ମୂଲ୍ୟ ଏବେ ୧୩ରୁ ୩୧ଟଙ୍କା ୭୭ ପଇସା ମଧ୍ୟରେ ରହିବ।

ଔଷଧ ସୂଚୀରେ ଶିଶୁଙ୍କ ଔଷଧ, ଭିଟାମିନ-ଡି ଡ୍ରପ୍ସ ଭଳି କୋଲେକ୍ୟାଲିସିଫେରୋଲ ଡ୍ରପସ୍ ମଧ୍ୟ ଏହି ସୂଚୀରେ ରହିଛି। ଔଷଧର ମୂଲ୍ୟ ହ୍ରାସ ହୋଇଥିବାରୁ ଖୁଚୁରା ବିକ୍ରେତାଙ୍କୁ ନୂଆ ମୂଲ୍ୟ ସୂଚୀ ଦୋକାନରେ ସ୍ପଷ୍ଟ ଦେଖାଯାଉଥିବା ସ୍ଥାନରେ ଲଗାଇବାକୁ ସରକାର ନିର୍ଦ୍ଦେଶ ଦେଇଛନ୍ତି। ଯଦି କୌଣସି ଔଷଧ ଦୋକାନୀ ଏହି ନିର୍ଦ୍ଦେଶର ଅବମାନନା କରନ୍ତି ତେବେ ତାଙ୍କ ବିରୋଧରେ ଡ୍ରଗ ପ୍ରାଇସ୍ କଣ୍ଟ୍ରୋଲ ୨୦୧୩ ଓ ଅତ୍ୟାବଶ୍ୟକ ବସ୍ତୁ ଅଧିନିୟମ ୧୯୯୫ ଅନୁସାରେ କଡ଼ା କାର୍ଯ୍ୟାନୁଷ୍ଠାନ ହେବ।

Powered by Froala Editor