ପାଟନାର ପାରସ ହସ୍ପିଟାଲରେ ଚନ୍ଦନ ନାମକ ଜଣେ ଅପରାଧୀଙ୍କୁ ଗୁଳି କରି ହତ୍ୟା କରାଯାଇଛି।  ହସ୍ପିଟାଲ ଭିତରେ ପାରୋଲରେ ଥିବା କଏଦୀଙ୍କୁ ପାଞ୍ଚ ଜଣ ଅଜଣା ଲୋକ ଗୁଳି କରିଥିବା ଅଭିଯୋଗ ହୋଇଛି। ଯାହାକି ଏବେ  ବିହାରର ଆଇନ ଶୃଙ୍ଖଳା ପରିସ୍ଥିତି ଉପରେ ପ୍ରଶ୍ନ ଉଠାଇଛି।

ଏହି ଗୁଳିବିନିମୟର ଏକ ଲାଇଭ ଭିଡିଓ ସାମ୍ନାକୁ ଆସିଛି, ଯେଉଁଥିରେ ଅପରାଧୀଙ୍କ ଫଟୋ କଏଦ ହୋଇଛି। ସିସିଟିଭି ଫୁଟେଜରେ ଦେଖାଯାଉଛି ଯେ, ପାଞ୍ଚ ଜଣ ଅପରାଧୀ ଆରାମରେ ପାରସ ହସ୍ପିଟାଲରେ ପ୍ରବେଶ କରୁଛନ୍ତି ଏବଂ ଚନ୍ଦନ ରହୁଥିବା ୱାର୍ଡ ଆଡକୁ ଯାଉଛନ୍ତି। ସମସ୍ତ ପାଞ୍ଚ ଜଣ ଅପରାଧୀ ଜଣକ ପରେ ଜଣେ ୱାର୍ଡରେ ପ୍ରବେଶ କରନ୍ତି ଏବଂ ଗୁଳି ଚଳାଇ ତାଙ୍କୁ ହତ୍ୟା କରନ୍ତି।

ପୁଲିସର ସୂଚନା ଅନୁଯାୟୀ, ସହରର ରାଜା ବଜାର ଅଞ୍ଚଳର ପାରସ ହସ୍ପିଟାଲରେ ଏହି ଗୁଳିକାଣ୍ଡ ଘଟିଥିଲା। ବକ୍ସର ଜିଲ୍ଲାର ଏକ ହତ୍ୟା ମାମଲାର ଅଭିଯୁକ୍ତ ଚନ୍ଦନ ମିଶ୍ର ନାମକ ପୀଡିତଙ୍କୁ ବେଉର ଜେଲରୁ ମେଡିକାଲ ପାରୋଲରେ ମୁକ୍ତ କରାଯାଇଥିଲା ଏବଂ ତାଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଥିଲା।

ଭିଡିଓ ସେୟାର କରି ବିହାର କଂଗ୍ରେସ NDA ସରକାରଙ୍କୁ ଆକ୍ରମଣ କରିଛି। ଭିଡିଓରେ ଲେଖାଯାଇଛି, ‘ବିହାରର ‘ଗୁଣ୍ଡା ରାଜ’। ଗତ ୧୭ ଦିନରେ ୪୬ଟି ହତ୍ୟା ହୋଇଛି। ଏବେ ଦୁର୍ବୃତ୍ତମାନେ ରାଜଧାନୀ ପାଟନାର ପାରସ ହସ୍ପିଟାଲରେ ଅସ୍ତ୍ର ଧରି ପ୍ରବେଶ କରି ଗୁଳି କରି ହତ୍ୟା କରିଛନ୍ତି।

Powered by Froala Editor