ନ୍ୟୁଜର ସିଧା ପ୍ରସାରଣ ବେଳେ ଡ୍ରୋନ୍ ଆକ୍ରମଣ, ଧାଇଁଲେ ଆଙ୍କର
ଇସ୍ରାଏଲୀ ସେନା ବୁଧବାର ସିରିଆର ରାଜଧାନୀ ଡାମାସ୍କସ୍ରେ ପ୍ରତିରକ୍ଷା ମନ୍ତ୍ରଣାଳୟ ମୁଖ୍ୟାଳୟ ଏବଂ ରାଷ୍ଟ୍ରପତି ଭବନ ନିକଟରେ ଡ୍ରୋନ୍ ଆକ୍ରମଣ କରିଛି। ଯେତେବେଳେ ଏହି ଆକ୍ରମଣ କରାଯାଇଥିଲା, ସେତେବେଳେ ଜଣେ ଟିଭି ଆଙ୍କର ନ୍ୟୁଜର ସିଧା ପ୍ରସାରଣ କରୁଥିଲେ। ସେହି ସମୟରେ, ବିସ୍ଫୋରଣ ହୋଇଥିଲା, ଯାହା ଯୋଗୁଁ ସେ ଭୟଭୀତ ହୋଇ ଧାଇଁଥିଲେ।
ଇସ୍ରାଏଲୀ ପ୍ରତିରକ୍ଷା ମନ୍ତ୍ରୀ କାଟ୍ଜ ଭିଡିଓ ସେୟାର କରି ଆକ୍ରମଣକୁ ନିଶ୍ଚିତ କରିଛନ୍ତି। ସେ କହିଛନ୍ତି ଯେ ଡାମାସ୍କସ୍ରେ ସିରିଆର ସାମରିକ ମୁଖ୍ୟାଳୟର ପ୍ରବେଶ ଦ୍ୱାରକୁ ଟାର୍ଗେଟ କରାଯାଇଛି। ସୁୱାଇଦାରୁ ପଛକୁ ହଟିଯିବା ପାଇଁ ସିରିଆର ସେନାକୁ ଚେତାବନୀ ଦେବା ପରେ ଇସ୍ରାଏଲୀ ଦ୍ୱାରା ଏହି କାର୍ଯ୍ୟାନୁଷ୍ଠାନ ନିଆଯାଇଛି।
ଇସ୍ରାଏଲୀ ପ୍ରତିରକ୍ଷା ମନ୍ତ୍ରୀ ଇସ୍ରାଏଲ କାଟ୍ଜ କହିଛନ୍ତି, "ଆଇଡିଏଫ ସିରିଆ ସୁରକ୍ଷା ବାହିନୀକୁ ସେମାନଙ୍କ ଅଞ୍ଚଳରୁ ପ୍ରତ୍ୟାହାର ନ କରିବା ପର୍ଯ୍ୟନ୍ତ ଆକ୍ରମଣ ଜାରି ରଖିବ। " ପ୍ରତିରକ୍ଷା ମନ୍ତ୍ରୀ କହିଛନ୍ତି, ଏବେ ଆମର ଚେତାବନୀ ଶେଷ ହୋଇଛି। ଏବେ ଆମେ ଡାମାସ୍କସ୍ରେ ଆକ୍ରମଣ କରିବୁ।"
Powered by Froala Editor
