କୋଚି ଉପକୂଳରେ ବୁଡ଼ିଗଲା ପଣ୍ୟବାହୀ ଜାହଜ, ୯ ଉଦ୍ଧାର
କେରଳର କୋଚି ଉପକୂଳରେ ଶନିବାର ଏକ ପଣ୍ୟବାହୀ ଜାହଜ ବୁଡ଼ିଯାଇଛି। କୋଚି ନିକଟସ୍ଥ ସମୁଦ୍ରରେ ବୁଡ଼ିଯାଇଛି ଏକ ବିଦେଶୀ ମାଲବାହୀ ଜାହାଜ । ଖରାପ ପାଗ ଯୋଗୁଁ ଜାହାଜଟି ବୁଡ଼ିଯାଇଥିବା କୁହାଯାଉଛି । ତେବେ ଭାରତୀୟ କୋଷ୍ଟ ଗାର୍ଡ ଜାହାଜରେ ଥିବା ୨୪ ଜଣଙ୍କ ମଧ୍ୟରୁ ୯ ଜଣଙ୍କୁ ଉଦ୍ଧାର କରିଛି ଏବଂ ବାକି ଲୋକଙ୍କୁ ଉଦ୍ଧାର କରିବା ପାଇଁ ଅଭିଯାନ ଜାରି ରହିଛି।
୧୮୪ ମିଟର ଲମ୍ବା ଲାଇବେରିଆର ଏହି ଜାହଜ(ଏମଏସସି ଇଏଲଏସଏ ୩)ଟି କେରଳର ବିଝିନଜାମ ବନ୍ଦରରୁ ଯାତ୍ରା ଆରମ୍ଭ କରିଥିଲା। ପ୍ରାୟ ୩୮ ନଟିକାଲ ମାଇଲ ଦୂର ଯିବା ପରେ ତାହା ବୁଡ଼ିଯାଇଥିଲା। ଖବର ପାଇ ଭାରତୀୟ ତଟରକ୍ଷୀ ବାହିନୀ ତୁରନ୍ତ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା। ପଣ୍ୟବାହୀ ଜାହଜ ଉପରେ ନଜର ରଖିବା ଲାଗି ଅନ୍ୟ କେତେକ ଜାହଜ ମୁତୟନ ହୋଇଥିବାବେଳେ ଆକାଶମାର୍ଗରୁ ହେଲିକପ୍ଟର ଜରିଆରେ ନିରୀକ୍ଷଣ କରାଯାଇଛି।
ଖବର ପାଇବା ପରେ କୋଷ୍ଟ ଗାର୍ଡ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ଏପର୍ଯ୍ୟନ୍ତ ୯ ଜଣଙ୍କୁ ଉଦ୍ଧାର କରାଯାଇଛି ଓ ଆଉ ୧୫ ଜଣଙ୍କୁ ଉଦ୍ଧାର କରିବାକୁ ଉଦ୍ୟମ କରାଯାଉଛି ।
Powered by Froala Editor
