ବିଏସପି ମୁଖ୍ୟ ମାୟାବତୀ ପୁଣି ଥରେ ପୁତୁରା ଆକାଶ ଆନନ୍ଦଙ୍କୁ ଦେଇଛନ୍ତି ବଡ଼ ଦାୟିତ୍ବ । ମାୟାବତୀ ଆକାଶ ଆନନ୍ଦଙ୍କୁ ବିଏସପିର ମୁଖ୍ୟ ରାଷ୍ଟ୍ରୀୟ ସଂଯୋଜକ ନିଯୁକ୍ତ କରିଛନ୍ତି।  

ଆକାଶ ଆନନ୍ଦ ଆଗାମୀ ନିର୍ବାଚନରେ ପ୍ରଚାର- ପ୍ରସାର ଦାୟିତ୍ବ ମଧ୍ୟ ସମ୍ଭାଳିବେ। ମାୟାବତୀ କହିଛନ୍ତି, ଆକାଶଙ୍କ ଫେରିବା ଦ୍ବାରା ବିଏସପିରେ ନୂଆ ଶକ୍ତିର ସଞ୍ଚାର ହେବ। ମାୟାବତୀ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ, ସେ ବର୍ତ୍ତମାନ କାହାକୁ ଉତ୍ତରାଧିକାରୀ କରିବେନି। ବିଏସ୍‌ପି ମୁଖ୍ୟଙ୍କ ଘୋଷଣା ଯୋଗୁ ଆକାଶ ଆନନ୍ଦଙ୍କ ପ୍ରତ୍ୟାବର୍ତ୍ତନ ସମସ୍ତଙ୍କୁ ଚକିତ କରିଦେଇଛି। 

ବିଏସପି ଦ୍ୱାରା ଜାରି ଏକ ପ୍ରେସ୍‌ ରିଲିଜରେ ମାୟାବତୀ କହିଛନ୍ତି, ଦଳର ଲୋକଙ୍କ ସମ୍ମତିରେ ଆକାଶ ଆନନ୍ଦଙ୍କୁ ଦଳର ମୁଖ୍ୟ ଜାତୀୟ ସଂଯୋଜକ କରାଯାଇଥିଲା ଏବଂ ତାଙ୍କୁ ଦେଶରେ ଦଳର ଭବିଷ୍ୟତ କାର୍ଯ୍ୟକ୍ରମ ମଧ୍ୟ ଦିଆଯାଇଥିଲା। ଆଶା କରାଯାଉଛି ଯେ, ଏଥର ଦଳ ଏବଂ ଆନ୍ଦୋଳନର ସ୍ବାର୍ଥ ପାଇଁ, ସମସ୍ତ ସତର୍କତା ଅବଲମ୍ବନ କରିବା ସହିତ, ଦଳକୁ ମଜବୁତ କରିବାରେ ଏହାର ପ୍ରଶଂସନୀୟ ଅବଦାନ ରହିବ।

ସୂଚନାଥାଉକି, ବିଏସପିରେ ତିନି ନ୍ୟାସନାଲ କୋଅର୍ଡିନେଟର ନିଯୁକ୍ତ କରାଯାଇଛି। ଏଥିରେ ରାଜ୍ୟସଭା ସାଂସଦ ରାମଜୀ ଗୌତମ, ରଣଧୀର ବେନୀଓ୍ବାଲ ଏବଂ ରାଜାରାମ ସାମିଲ ଅଛନ୍ତି। ରାମଜୀ ଗୌତମ ବିହାର ପ୍ରଦେଶର ପ୍ରଭାରୀ ମଧ୍ୟ ଅଛନ୍ତି। ସୂତ୍ରରୁ ମିଳିଥିବା ସୂଚନା ଅନୁସାରେ ରବିବାର ହୋଇଥିବା ଏହି ବୈଠକରେ ଆଗାମୀ ବିଧାନସଭା ନିର୍ବାଚନକୁ ନେଇ ମଧ୍ୟ ଚର୍ଚ୍ଚା ହେବ।

Powered by Froala Editor