ବୃଦ୍ଧାଙ୍କୁ ଚୁଟି ଘୋଷାଡ଼ି ମାରିଲା ବୋହୂ
ଶ୍ୱଶୂର ଘର ନିର୍ଯାତନାରେ ଅତିଷ୍ଠ ହୋଇ ଜ୍ୱାଇଁ ପୁଲିସର ଦ୍ୱାରସ୍ଥ ହୋଇଛି । ଜ୍ୱାଇଁର ଅଭିଯୋଗ ଯେ, ପତ୍ନୀ ତାଙ୍କ ବୃଦ୍ଧା ମା’ଙ୍କୁ ବୃଦ୍ଧାଶ୍ରମ ପଠାଇବାକୁ ଜିଦ୍ ଧରିଥିଲେ । କିନ୍ତୁ ସେ ରାଜି ନହେବାରୁ ପତ୍ନୀ ଶ୍ୱଶୂର ଓ ଶଳା ସହିତ ମିଶି ତାଙ୍କୁ ମାରପିଟ କରିଛନ୍ତି । ବୃଦ୍ଧା ମା’ଙ୍କୁ ଚୁଟି ଘୋଷାଡି ମାରିଛନ୍ତି । ଏଭଳି ଅଭାବନୀୟ ଘଟଣା ମଧ୍ୟପ୍ରଦେଶ ଭୋପାଳରେ ଘଟିଛି । ଯାହାର ଭିଡିଓ ମଧ୍ୟ ଭାଇରାଲ ହୋଇଛି ।
ଏପ୍ରିଲ ୧ରେ ଏହି ଘଟଣା ଘଟିଥିବା ବେଳେ ପୀଡ଼ିତ ବିଶାଳ ବତ୍ରା ପୁଲିସରେ ଅଭିଯୋଗ କରିଛନ୍ତି। ତାଙ୍କ ଅଭିଯୋଗ ମୁତାବକ, "ମୋ ମା’ ସାରଳା ବତ୍ରାଙ୍କୁ ବୃଦ୍ଧାଶ୍ରମରେ ଛାଡିବା ପାଇଁ ମୋ ପତ୍ନୀ ମୋତେ ବାଧ୍ୟ କରୁଥିଲେ। ହେଲେ ମୁଁ ରାଜି ନଥିଲି। ଏହାକୁ ନେଇ ଆମର ଝଗଡ଼ା ହୋଇଥିଲା। ଏଥିରେ ରାଗିଯାଇ ଏପ୍ରିଲ ୧ରେ ସେ ଶଶୁର ଓ ଶଳାଙ୍କୁ ଡାକିଥିଲେ। ଶଶୁର ଓ ଶଳା ଆସି ମୋତେ ମାଡ଼ ମାରିବା ଆରମ୍ଭ କରିଥିଲେ। ମୋ ମା’ ସମାଧାନ କରିବାକୁ ଚେଷ୍ଟା କରୁଥିବା ବେଳେ ତାଙ୍କୁ ତଳେ ଘୋଷାଡି ମାଡ଼ ମାରିଥିଲା ମୋ ପତ୍ନୀ। ମୋ ଶଳା ମୋତେ ଓ ମୋ ମା’ଙ୍କୁ ହତ୍ୟା କରିବାକୁ ଧମକ ଦେଇଛି। ସେମାନେ ଆମ ଘରେ ତାଲା ପକାଇ ଆମକୁ ଘରୁ ବାହାର କରି ଦେଇଛନ୍ତି।"
Powered by Froala Editor
