ବନ୍ଧୁକ ଦେଖାଇ ଲୁଟିନେଲେ ୫୦ଲକ୍ଷ ଟଙ୍କାର ସୁନା ଓ ୩୦ଲକ୍ଷ ଟଙ୍କା
ସାଲେପୁର: ଜମି ବିକ୍ରି କରି ଝିଅ ବାହାଘର ପାଇଁ ରଖିଥିବା ସୁନା ଓ ନଗଦ ଟଙ୍କା ଡକାୟତମାନେ ଲୁଟି ନେଇଥିବା ସୂଚନା ମିଳିଛି। ୪ ଜଣ ଲୁଟେରା ପରିବାର ଲୋକଙ୍କ ବନ୍ଧୁକ ଦେଖାଇ ଭୟଭିତ କରି ନଗଦ ଟଙ୍ଗା ଓ ସୁନା ଗହଣା ଲୁଟି ନେଇଛନ୍ତି।
ସାଲେପୁର ସୌରୀ ପଞ୍ଚାୟତ ଜାହାଙ୍ଗୀରବାଦ ଗାଁରେ ସଶସ୍ତ୍ର ଡକାୟତି ହୋଇଛି। ଜାହାଙ୍ଗୀରବାଦ ଗାଁର ବିଜୟ ମହାନ୍ତି ଝିଅ ବାହାଘର ପାଇଁ ନଗଦ ଟଙ୍କା ଓ ସୁନା ଅଳଙ୍କାର ରଖିଥିଲେ। ତାଙ୍କ ଘରୁ ୫୦ଲକ୍ଷ ଟଙ୍କାର ସୁନା ଏବଂ ୩୦ଲକ୍ଷ ନଗଦ ଟଙ୍କା ଲୁଟ୍ ହୋଇଥିବା ଜଣାପଡ଼ିଛି।
ଜାହାଙ୍ଗୀରବାଦ ଗାଁର ବିଜୟ ମହାନ୍ତି ନିଜ ଜମି ବିକ୍ରି କରି ଝିଅ ବାହାଘର ପାଇଁ ୫୦ଲକ୍ଷ ଟଙ୍କାର ସୁନା-ରୂପା ଅଳଙ୍କାର ଓ ୩୦ଲକ୍ଷ ନଗଦ ଟଙ୍କା ରଖିଥିଲେ। ତାଙ୍କ ଘରେ ୪ଜଣ ଦୁର୍ବୃତ୍ତ ଘରେ ପଶି ବନ୍ଧୁକ ଲଗାଇ ୫୦ଲକ୍ଷ ଟଙ୍କାର ସୁନା-ରୂପା ଅଳଙ୍କାର ଓ ୩୦ଲକ୍ଷ ନଗଦ ଟଙ୍କା ଲୁଟ ହୋଇଥିବା ନେଇ ସେ ଥାନାରେ ଅଭିଯୋଗ କରିଛନ୍ତି। ଅଭିଯୋଗ ପାଇବା ପରେ ପୁଲିସ ଘଟଣାସ୍ଥଳ ପରିଦର୍ଶନ ସହ ତଦନ୍ତ ଆରମ୍ଭ କରିଥିବା ସୂଚନା ମିଳିଛି।
Powered by Froala Editor
