ନେତ୍ରୀଙ୍କ ଅଶ୍ଳୀଳ ଭିଡ଼ିଓ କରି ବିଜେପି ନେତା ଗିରଫ
ଭୁବନେଶ୍ୱର : ଜଣେ ନେତ୍ରୀଙ୍କର ଅଶ୍ଳୀଳ ଭିଡ଼ିଓ ପ୍ରସାରିତ କରି ବିଜେପିର ଯୁବ ନେତା ଗିରଫ ହେବା ଘଟଣା ସାରା ରାଜ୍ୟରେ ଚର୍ଚ୍ଚା ସୃଷ୍ଟିକରିଛି । ଏହି ମାମଲାରେ ପୁଲିସ ଗଞ୍ଜାମ ଜିଲ୍ଲା ବିଜେପି ଯୁବମୋର୍ଚ୍ଚା ଉପସଭାପତି ପ୍ରିୟରଞ୍ଜନ ବେହେରାଙ୍କୁ ଗିରଫ କରିଛି ।
ମହିଳା ନେତ୍ରୀଙ୍କ ଏତଲା ଅନୁଯାୟୀ, ଦୁଇବର୍ଷ ପୂର୍ବେ ସେ ପାତ୍ରପୁରକୁ ନିଜ ଗାଡ଼ିରେ ଯାଇଥିଲେ । ଗାଡ଼ି ଖରାପ ହେବାରୁ ପ୍ରିୟରଂଜନଙ୍କ ସହାୟତା ଲୋଡ଼ିଥିଲେ । ଗାଡ଼ିରେ ଯିବା ସମୟରେ ଯୁବନେତା ଜଣଙ୍କ ତାଙ୍କର ଫଟୋ ଉଠାଇ ଦେଇଥିଲେ । ତା’ପରେ ସ୍ୱାମୀଙ୍କୁ ଫଟୋ ଦେଖେଇଦେବେ ବୋଲି ଧମକ ଦେଇ ୧୦ ହଜାର ଟଙ୍କା ଦାବି କରିଥିଲେ । ଘରକୁ ଆସିବାକୁ ବି ବାଧ୍ୟ କରିଥିଲେ । ଉକ୍ତ ନେତାଙ୍କ ଘରକୁ ସେ ଯାଇଥିବାବେଳେ ମୃଦୁ ପାନୀୟରେ ନିଶା ଦେଇ ତାଙ୍କୁ ବଳାକôାର କରିଥିଲେ । ତାହାର ଦୃଶ୍ୟକୁ ସେ ଭାଇରାଲ କରିବାର ଧମକ ଦେଇ ବ୍ଲାକମେଲିଂ କରି ୭ ଲକ୍ଷ ଟଙ୍କା ମଧ୍ୟ ପ୍ରିୟରଂଜନ ଲୁଟି ନେଇଛନ୍ତି । ପରବର୍ତୀ ସମୟରେ ସେ ଟଙ୍କା ନଦେବାରୁ ଭିଡ଼ିଓକୁ ସେ ସୋସିଆଲ ମିଡ଼ିଆରେ ଛାଡ଼ି ଦେଇଥିଲେ । ତେଣୁ ସେ ଥାନାରେ ଅଭିଯୋଗ କରିଥିବାବେଳେ ପ୍ରିୟରଂଜନଙ୍କୁ ଗୋଳନ୍ଥରା ଥାନା ସୁରଳ ପଂଚାୟତର ନିଜ ଗାଁ କଇଠରୁ ପୁଲିସ ଗିରଫ କରିଛି ।
Powered by Froala Editor
