ଭୁବନେଶ୍ୱରର ନନ୍ଦନକାନନର ପ୍ରାଣୀ ଉଦ୍ୟାନରେ ଅଣ୍ଡିରା ବବୁନ୍ ମାଙ୍କଡ଼ ‘ଜଗା’ର ମୃତ୍ୟୁ ହୋଇଛି। ବାର୍ଦ୍ଧକ୍ୟଜନିତ ରୋଗରେ ପୀଡ଼ିତ ଥିଲା ଜଗା । ଜଗା ବିଷୟରେ ବେଶୀ ସୂଚନା ନ ଥିଲେ ମଧ୍ୟ ନନ୍ଦନକାନନ ବୁଲିବାକୁ ଆସୁଥିବା ଲୋକଙ୍କୁ ଜଗା ଖୁବ୍ ପସନ୍ଦ ଥିଲା ।

ଏକ ମାସ ହେଲା ବାଦ୍ଧର୍କ୍ୟରେ ପୀଡ଼ିତ ହୋଇ ଚିକିତ୍ସାଧିନ ଥିଲା ଅଣ୍ଡିରା ବବୁନ୍ ମାଙ୍କଡ଼ ‘ଜଗା’। ତାକୁ ବୈଷୟିକ କମିଟିର ବିଶେଷଜ୍ଞଙ୍କ ପରାମର୍ଶକ୍ରମେ ପ୍ରାଣୀ ଚିକିତ୍ସା କେନ୍ଦ୍ରର ଚିକିତ୍ସକମାନେ ଭିଟାମିନ୍ ଏବଂ ମିନେରାଲ ଦେଇ ଚିକିତ୍ସା କରୁଥିଲେ। ହେଲେ ବବୁନ୍ ‘ଜଗା’ର ଆଜି ମୃତ୍ୟୁ ହୋଇଛିି। ଫଳରେ ନନ୍ଦନକାନନରେ ବବୁନ୍ ସଂଖ୍ୟା ହ୍ରାସ ପାଇଛି। ଏବେ ଏକ ମାତ୍ର ମାଈ ବବୁନଟି ଅଛି।

 ଖବର ଅନୁଯାୟୀ, ଅଣ୍ଡିରା ବବୁନ୍ ମାଙ୍କଡ଼ 'ଜଗା' ଓ ୧୮ ବର୍ଷର ଏକମାତ୍ର ମାଈ ବବୁନ୍ ମାଙ୍କଡ଼ଟି ୪ ବର୍ଷ ହେଲାଣି ପ୍ରାଣୀ ଚିକିତ୍ସା କେନ୍ଦ୍ର ପରିସରର ପୃଥକୀକରଣ କକ୍ଷରେ ରହି ଆସୁଥିଲା। ଅଣ୍ଡିରା ବବୁନ୍ 'ଜଗା' ଏକ ମାସ ହେଲା ବାଦ୍ଧର୍କ୍ୟରେ ପୀଡ଼ିତ ହୋଇ ଚିକିତ୍ସାଧିନ ଥିଲା।

ବବୁନ ପ୍ରଜାତିର ଥିଲା ଜଗା । ଏମାଙ୍କଡ଼ଙ୍କ ଉଚ୍ଚତା ୭୦ ସେଣ୍ଟିମିଟର ହୋଇଥାଏ । ଏମାନଙ୍କ ଓଜନ ୧୦ କିଲୋଗ୍ରାମରୁ ୩୦ କିଲୋଗ୍ରାମ ହୋଇଥାଏ । ବବୁନ ପ୍ରଜାତିର ମାଙ୍କଡ଼ର ଜୀବନକାଳ ୩୫ ବର୍ଷରୁ ୪୫ ବର୍ଷ ହୋଇଥାଏ ।

Powered by Froala Editor