ବିଏମ୍ଡବ୍ଲୁ ଧକ୍କାରେ ଭିିଡିଓ ସାମ୍ବାଦିକଙ୍କ ମୃତ୍ୟୁ
ବିଏମ୍ଡବ୍ଲୁ କାର୍ ଧକ୍କାରେ ଜଣେ ସାମ୍ବାଦିକଙ୍କ ମୃତ୍ୟୁ ହୋଇଛି। ମଙ୍ଗଳବାର ରାତିରେ ଚେନ୍ନାଇରେ ବାଇକ୍ ନେଇ ଯାଉଥିବା ଜଣେ ଭିିଡିଓ ସାମ୍ବାଦିକଙ୍କୁ ଦ୍ରୁତ ଗତିରେ ଆସୁଥିବା ଏକ ବିଏମ୍ଡବ୍ଲୁ କାର୍ ଧକ୍କା ଦେବା ପରେ ତାଙ୍କର ମୃତ୍ୟୁ ଘଟିିଛି।
ପୀଡିତ ଜଣକ ହେଉଛନ୍ତି ପଣ୍ଡି ବଜାରର ପ୍ରଦୀପ କୁମାର। ସେ ଜଣେ ଲୋକପ୍ରିୟ ତେଲୁଗୁ ନ୍ୟୁଜ୍ ଚ୍ୟାନେଲରେ ଚାକିରି କରିଥିଲେ। ଏହା ସହିତ ସେ ସହରରେ ପାର୍ଟ ଟାଇମ୍ ଭାବେ ରାପିଡୋ ଡ୍ରାଇଭର କାର୍ଯ୍ୟ କରୁଥିଲେ।
ସୂଚନା ମୁତାବକ, ମଦୁରାଭୋୟାଲ୍-ତାମ୍ବରମ୍ ଏଲିଭେଟେଡ୍ ବାଇପାସ୍ ଉପରେ ଏହି ଦୁର୍ଘଟଣା ଘଟିଥିଲା। ମଙ୍ଗଳବାର ବିଳମ୍ବିତ ରାତିରେ ବାଇକ୍ରେ ଯାଉଥିବା ଜଣେ ପ୍ରଦୀପ କୁମାରଙ୍କୁ ଦ୍ରୁତ ଗତିରେ ଆସି ଏକ ବିଏମ୍ଡବ୍ଲୁ କାର୍ ପଛପଟୁ ଧକ୍କା ଦେଇଥିଲା। ଫଳରେ ୧୦୦ ମିଟର ଦୂରକୁ ସେ ଛିଟିକି ପଡିଥିଲେ। ପରେ ତାଙ୍କର ମୃତ୍ୟୁ ହୋଇଛି। ତେବେ ଧକ୍କା ଦେବା ପରେ ବିଏମ୍ଡବ୍ଲୁ ଚାଳକ ଘଟଣାସ୍ଥଳରୁ ଫେରାର ହୋଇଯାଇଛନ୍ତି।
ଏନେଇ ରାସ୍ତାରେ ଯାଉଥିବା ସ୍ଥାନୀୟ ଲୋକେ ପୁଲିସକୁ ସୂଚନା ଦେଇଥିଲେ। ପରେ ପୁଲିସ ଘଟଣାସ୍ଥଳରେ ପହଞ୍ଚି ପୀଡ଼ିତଙ୍କ ମୃତଶରୀରକୁ ଉଦ୍ଧାର କରିଥିଲା। ଏଥିସହ ଦୁର୍ଘଟଣା ଘଟାଇଥିବା ବିଏମ୍ଡବ୍ଲୁ କାର୍କୁ ଜବତ କରାଯାଇଛି। ଫେରାର ଡ୍ରାଇଭରଙ୍କୁ ପୁଲିସ ଖୋଜାଖୋଜି ଜାରି ରଖିଛି।
Powered by Froala Editor
