ଏୟାର ଇଣ୍ଡିଆ ବିମାନରେ ମହିଳା ଯାତ୍ରୀ ଯୌନ ଉତ୍ପୀଡନର ଶିକାର
ନୂଆଦିଲ୍ଲୀ : ଏୟାର ଇଣ୍ଡିଆର ଦିଲ୍ଲୀରୁ ଗୋଆ ଯାଉଥିବା ବିମାନରେ ଜଣେ ମହିଳା ଯାତ୍ରୀ ଯୌନ ଉତ୍ପୀଡନର ଶିକାର ହୋଇଥିବା ବୁଧବାର ଖବର ସାମ୍ନାକୁ ଆସିବା ସହ ଏନେଇ ମାମଲା ରୁଜୁ କରାଯାଇଛି । ଦିଲ୍ଲୀ ନିବାସୀ ଜଣେ ମହିଳା ଯାତ୍ରୀ ଅଭିଯୋଗ କରିଛନ୍ତି ଯେ, ବିମାନରେ ଜଣେ ପୁରୁଷ ଯାତ୍ରୀ ଯୌନ ଉତ୍ପୀଡନ କରିଛନ୍ତି । ମହିଳା ଯାତ୍ରୀଙ୍କ ଅଭିଯୋଗ ପରେ ପୁଲିସ ଉକ୍ତ ଯୁବକଙ୍କୁ ଗିରଫ କରିବା ସହ ମାମଲା ରୁଜୁ କରି ତଦନ୍ତ ଜାରି ରଖିଛି ।
ଅଭିଯୋଗ ଅନୁଯାୟୀ, ଦିଲ୍ଲୀର ଜନକପୁରୀ ନିବାସୀ ଜଣେ ମହିଳା ମଙ୍ଗଳବାରରେ ଏୟାର ଇଣ୍ଡିଆର ଦିଲ୍ଲୀରୁ ଗୋଆ ଫ୍ଲାଇଟ୍ରେ ଯାତ୍ରା କରୁଥିଲେ । ମଙ୍ଗଳବାର ପୂର୍ବାହ୍ନ ୧୧ଟାରୁ ଦିନ ୧ଟା ୨୦ ମଧ୍ୟରେ ବିମାନରେ ତାଙ୍କ ନିକଟ ସିଟ୍ରେ ବସିଥିବା ଜଣେ ପୁରୁଷ ଯାତ୍ରୀ ଖରାପ ବ୍ୟବହାର କରିଥିଲେ ।
Powered by Froala Editor
