ଦିଲ୍ଲୀର ରୋହିଣୀରେ ଏକ CRPF ସ୍କୁଲ୍ ନିକଟରେ ବଡ଼ ଧରଣର ବିସ୍ଫୋରଣ ଘଟିଛି । ବିସ୍ଫୋରଣ ଘଟଣାର ତଦନ୍ତ ଆରମ୍ଭ କରିଛନ୍ତି ଏକାଧିକ ତଦନ୍ତକାରୀ ସଂସ୍ଥା। ବିସ୍ଫୋରଣ ଖବର ପାଇବା ପରେ ପୋଲିସ ଓ ଏଫଏସଏଲର ଟିମ ଘଟଣା ସ୍ଥଳରେ ପହଞ୍ଚି ଥିବା ବେଳେ ତଦନ୍ତ ଆରମ୍ଭ ହୋଇଛି। ଡଗ୍ ସ୍କ୍ଵାଡ୍, ଆଣ୍ଟି ଟେରର ୟୁନିଟ ସହ ଏନଏସଜି କମାଣ୍ଡୋ ଆସି ଘଟଣାସ୍ଥଳରେ ପହଞ୍ଚି ତନାଘନା ଆରମ୍ଭ କରିଛନ୍ତି । ଆଶ୍ଵସ୍ତିର ଖବର ହେଉଛି ବିସ୍ଫୋରଣରେ କେହି ମୃତାହତ ହୋଇ ନଥିବା ଜଣାପଡ଼ିଛି ।

ପୁଲିସ ସୂଚନାନୁସାରେ, ବିସ୍ଫୋରଣ ଘଟିଥିବା ବିଦ୍ୟାଳୟର ଏକ ପାଚେରୀ ନିକଟରେ କିଛି ଧଳା ପାଉଡର ପରି ପଦାର୍ଥ ମିଳିଥିଲା। ତା'ର ତଦନ୍ତ ଚାଲିଛି। ସମଗ୍ର ଅଞ୍ଚଳକୁ ପୁଲିସ କର୍ଡନ କରି ରଖାଯାଇଛି। ଘଟଣାରେ କୌଣସି ଆତଙ୍କୀ ଲିଙ୍କ୍ ଅଛି କି ନାହିଁ, ସେ ବାବଦରେ ଜାଣିବା ପାଇଁ NIA ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।

ଜଣେ ପ୍ରତକ୍ଷଦର୍ଶୀ ବିସ୍ଫୋରଣ ସମୟରେ ଭିଡିଓ ପୁଲିସକୁ ହସ୍ତାନ୍ତର କରିଛନ୍ତି । ବିସ୍ଫୋରଣର ତୀବ୍ର ଅତି ଉଚ୍ଚକ୍ଷମତା ସମ୍ପନ୍ନ ଥିବାରୁ ବୋମା ବିସ୍ଫୋରଣ ହୋଇଥିବା ସନ୍ଦେହ କରାଯାଉଛି ।ବିସ୍ଫୋରଣର ତୀବ୍ରତା ଏତେ ଜୋରଦାର ଥିଲା ଯେ ଆଖପାଖରେ ଥିବା ଗାଡିଗୁଡିକର କାଚ ଭାଙ୍ଗି ଯାଇଛି । ଅନେକ ଦୋକାନ କ୍ଷତିଗ୍ରସ୍ତ ହୋଇଛି । ସିଆରପିଏଫ୍ ସ୍କୁଲ ନିକଟରେ କିଛି ଦୋକାନ ଥିବାରୁ ଏଥିରୁ ସିଲିଣ୍ଡର ବ୍ଲାଷ୍ଟ ହୋଇଥିବା ମଧ୍ୟ ସନ୍ଦେହ କରାଯାଉଛି ।

Powered by Froala Editor