ନବୀନ ପଟ୍ଟନାୟକଙ୍କ ଅଞ୍ଚଳ ହିଞ୍ଜିଳିରେ ଘଟିଛି ୧୦୦ ହତ୍ୟାକାଣ୍ଡ: ମୋହନ
ଭୁବନେଶ୍ୱର: ହିଞ୍ଜିଳିରେ ବିଗତ ୨୪ ବର୍ଷରେ ୧୦୦ ହତ୍ୟାକାଣ୍ଡ ଘଟିଛି । ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଞ୍ଚଳ ହିଞ୍ଜିଳିରେ ଘଟିଛି ୧୦୦ ହତ୍ୟାକାଣ୍ଡ । ଆଜି ବିଧାନସଭାରେ ଏହି ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ମୋହନଚରଣ ମାଝୀ । ବିଧାୟକ ପ୍ରଦୁ୍ୟମ୍ନ ନାୟକଙ୍କ ପ୍ରଶ୍ନର ଉତ୍ତର ରଖି ମୁଖ୍ୟମନ୍ତ୍ରୀ ଶ୍ରୀ ମାଝୀ ଏହି ସୂଚନା ଦେଇଛନ୍ତି ।
ମୁଖ୍ୟମନ୍ତ୍ରୀ ଶ୍ରୀ ମାଝୀ କହିଛନ୍ତି ଯେ ହିଞ୍ଜିଳିକାଟୁ ନିର୍ବାଚନମଣ୍ଡଳରେ ବିଗତ ୨୪ବର୍ଷରେ ମୋଟ ୧୦୦ଟି ହତ୍ୟାକାଣ୍ଡ ଘଟିଛି । ୧୦୦ ହତ୍ୟା ମାମଲାରେ ମୋଟ ୩୨୮ଜଣଙ୍କୁ ଗିରଫ କରାଯାଇଛି । ଏହି ୧୦୦ ମାମଲାରୁ ମୋଟ ୯ଟି ମାମଲାରେ ଦୋଷୀଙ୍କୁ ଦଣ୍ଡିତ କରାଯାଇଛି । ୨୨ଟି ମାମଲାରେ ଦୋଷୀ ଦୋଷମୁକ୍ତ ହୋଇଥିବାବେଳେ ୬୯ଟି ମାମଲା ବିଚାରାଧୀନ ରହିଛି ।
Powered by Froala Editor
