ଚଳନ୍ତା କାର୍ରୁ ବାହାରିଗଲା ଚକା, ଛିଟିକି ପଡି ୩ ଯୁବକଯୁବତୀଙ୍କ ମୃତ୍ୟୁ
କାନାଡାର ମିଲ୍ଲ କୋଭେ ଠାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ୩ ଜଣଙ୍କ ମୃତ୍ୟୁ ହୋଇଯାଇଛି। ଗାଡ଼ିଟି ରାସ୍ତାରେ ଯାଉଥିବା ବେଳେ ଏହାର ଗୋଟିଏ ଟାୟାର ବାହାରି ଯାଇଥିଲା। ଆଉ ତା’ ପରେ କାର ଭିତରୁ ବାହାରକୁ ଛିଟିକି ପଡ଼ିଥିଲେ ଦୁଇ ଜଣ ଯୁବତୀ ଓ ଜଣେ ଯୁବକ। ଦୁର୍ଘଟଣା ଏତେ ଭୟଙ୍କର ଥିଲା ଯେ ଘଟଣାସ୍ଥଳରେ ୩ ଜଣ ପ୍ରାଣ ହରାଇଛନ୍ତି।
ମୃତକଙ୍କ ମଧ୍ୟରେ ଦୁଇ ଜଣ ଭାଇ ଓ ଭଉଣୀ ରହିଛନ୍ତି। ତିନିଜଣ ମୃତକଙ୍କ ନାମ ହରମନ ସୋମାଲ, ନବଜୋତ ସୋମାଲ ଓ ରଶମଦୀପ କୌର। ଏମାନେ ସମସ୍ତେ କାନାଡାରେ ରହି ପାଠପଢ଼ୁଥିଲେ। ସୂଚନା ଅନୁଯାୟୀ, ଏହି ଦୁର୍ଘଟଣା ଜୁଲାଇ ୨୭ ତାରିଖ ରାତି ୯.୩୫ରେ ଜାତୀୟ ରାଜପଥ ୨ରେ ଘଟିଛି। କୌଣସି କାରଣବଶତଃ ହରମନ ସୋମାଲ, ନବଜୋତ ସୋମାଲ ଓ ରଶମଦୀପ କୌର ବସି ଯାଉଥିବା ଗାଡ଼ିର ଚକା ହଠାତ ଫାଟି ଯାଇଥିଲେ। ଫଳରେ ଡ୍ରାଇଭର ନିୟନ୍ତ୍ରଣ ହରାଇ ଦେଇଥିଲେ। ଫଳରେ ଗାଡ଼ି ଭିତରୁ ହରମନ ସୋମାଲ , ନବଜୋତ ସୋମାଲ ଓ ରଶମଦୀପ କୌର ବାହାରକୁ ଛିଟିକି ପଡ଼ିଥିଲେ। ଘଟଣାସ୍ଥଳରେ ହିଁ ତିନିଜଣଙ୍କ ପ୍ରାଣାବାୟୁ ଉଡ଼ି ଯାଇଥିଲା।
ହରମନ ପାଠପଢ଼ିବା ସହିତ ସହିତ ମୋନକଟନରେ ଥିବା ଡେକେୟାରରେ କାମ ବି କରୁଥିଲେ। ତାଙ୍କ ଭଉଣୀ ନବଜୋତ ସୋମାଲ କିଛି ମାସ ତଳେ ପାଠପଢ଼ା ଭିସା ନେଇ କାନାଡା ଯାଇଥିଲେ। ତୃତୀୟ ମୃତକ ଜଣଙ୍କ ହେଲେ ୨୩ ବର୍ଷୀୟ ରଶମଦୀପ କୌର। ତାଙ୍କ ବାପା ମା’ ସଙ୍ଗରୁର ଜିଲ୍ଲାର ସାମାନାରେ ସରକାରୀ ଶିକ୍ଷକ ଭାବେ କାମ କରନ୍ତି। ସାମାନାର ଦମ୍ପତି ପାଠପଢ଼ିବାକୁ ଯାଇଥିବା ଝିଅର ଏଭଳି ମୃତ୍ୟୁ ଖବର ଶୁଣି ଦୁଃଖରେ ଭାଙ୍ଗି ପଡ଼ିଛନ୍ତି।
Powered by Froala Editor
