ପୁଣି Microsoft ର ଅଫିସ ଏବଂ କ୍ଲାଉଡ ସର୍ଭିସରେ ସମସ୍ୟା
ମାଇକ୍ରୋସଫ୍ଟର ଅଫିସ ଓ କ୍ଲାଉଡ୍ ସେବାରେ ପୁଣି ଥରେ ତ୍ରୁଟି ଦେଖାଦେଇଛି । ଏହା ଫଳରେ ସାରା ବିଶ୍ବର ଲକ୍ଷ ଲକ୍ଷ ୟୁଜର୍ସ ସମସ୍ୟାର ସମ୍ମୁଖୀନ ହେଉଛନ୍ତି । କମ୍ପାନୀ କହିଛି ଯେ, ଆମେ ସର୍ବଭାରତୀୟ ସ୍ତରରେ ମାଇକ୍ରୋସଫ୍ଟ ସେବା ସହ ସଂଯୁକ୍ତ ସମସ୍ୟାଗୁଡିକର ଅନୁସନ୍ଧାନ କରୁଛୁ ।
ସୂଚନା ଅନୁସାରେ ମାଇକ୍ରୋସଫ୍ଟର ଆଜୁର ଓ ୩୬୫ ସେବାରେ ତ୍ରୁଟି ଦେଖାଦେଇଛି । ଏ ନେଇ କମ୍ପାନି ପକ୍ଷରୁ କୁହାଯାଇଛି ଯେ ଏହି ତ୍ରୁଟି ସଂପର୍କରେ ତଦନ୍ତ କରାଯାଉଛି ଓ ଖୁବଶୀଘ୍ର ସ୍ଥିତି ସ୍ବାଭାବିକ ହେବ । ତେବେ କମ୍ପାନି ପକ୍ଷରୁ ଆହୁରି ମଧ୍ୟ କୁହାଯାଇଛି ଯେ ଏହି ସମସ୍ୟା ଏବେ କେବଳ ୟୁରୋପରେ ଦେଖାଦେଇଛି । ବିଶ୍ବର ଅନ୍ୟ ସ୍ଥାନରେ ଏହି ସେବା ସ୍ବାଭାବିକ ରହିଛି । ଇଣ୍ଟରନେଟ ସମସ୍ୟା ଉପରେ ନଜର ରଖିଥିବା ଓ୍ବେବସାଇଟ ଡାଉନଡିଟେକ୍ଟର ଅନୁସାରେ ଅନେକ ୟୁଜର ଆଉଟଲୁକ କନେକ୍ସନରେ ସମସ୍ୟାର ସମ୍ମୁଖୀନ ହେଉଛନ୍ତି ।
ଏହା ପୂର୍ବରୁ ଗତ ସପ୍ତାହରେ ମାଇକ୍ରୋସଫ୍ଟ ଓ୍ବିଣ୍ଡୋଜରେ ବିଶ୍ବବ୍ୟାପୀ ସମସ୍ୟା ଦେଖାଦେଇଥିଲା । ଏହା ଫଳରେ ପିସି କିମ୍ବା ଲାପଟପ ଓପନ କଲେ ବ୍ଲୁସ୍କ୍ରିନ ଦେଖାଯାଉଥିଲା ।
Powered by Froala Editor
