ଋଣ ବୋଝ ଅସହ୍ୟ ହେଉଥିଲା, କାର୍ ଥୋଇ ଅଟଳ ସେତୁରୁ ଡେଇଁଲେ ଇଞ୍ଜିନିୟର
![ଋଣ ବୋଝ ଅସହ୍ୟ ହେଉଥିଲା, କାର୍ ଥୋଇ ଅଟଳ ସେତୁରୁ ଡେଇଁଲେ ଇଞ୍ଜିନିୟର](https://odishanewslens.com/news_gallery/31490_1721929986.jpg)
ଆର୍ଥିକ ସଙ୍କଟରେ ପୀଡିତ ଜଣେ ୩୮ ବର୍ଷୀୟ ଇଞ୍ଜିନିୟର ବୁଧବାର ମୁମ୍ବାଇରେ ଥିବା ଅଟଳ ବ୍ରିଜରୁ ଡେଇଁପଡିଥିବା ଅଭିଯୋଗ ହୋଇଛି। ପୁଲିସର ସୂଚନା ମୁତାବକ ଶ୍ରୀନିବାସ ନାମକ ଯୁବକ ଦିନ ପ୍ରାୟ ସାଢେ ୧୨ଟାରେ ମୁମ୍ବାଇ ଟ୍ରାନ୍ସ ହାରବର୍ ଲିଙ୍କ୍ (ଅଟଳ ସେତୁ ନାମରେ ଜଣାଶୁଣା)ରେ କାର ପାର୍କିଂ କରିବା ପରେ ସମୁଦ୍ରକୁ ଡେଇଁପଡିଥିଲେ। ଏହି ଘଟଣାର ସିସିଟିଭି କ୍ୟାମେରାରେ ରେକର୍ଡ ହୋଇଯାଇଛି । ଆତ୍ମହତ୍ୟା ପାଇଁ ଚେଷ୍ଟା କରୁଥିବା ବ୍ୟକ୍ତିଙ୍କୁ ସମୁଦ୍ରରେ ଖୋଜାଯାଉଛି ।
ଡେବିବଲୀରେ ରହୁଥିବା ଶ୍ରୀନିବାସ ଚିନ୍ତାରେ ଥିଲେ । ଏପରି କୁହାଯାଉଛି ଯେ, ତାଙ୍କ ଉପରେ ଋଣ ଥିଲା । ଯେଉଁ କାରଣରୁ ସେ କିଛି ଦିନରୁ ଚିନ୍ତାରେ ଥିଲେ । ୨୫ ଜୁଲାଇ ଦ୍ୱିପ୍ରହର ୧୨.୩୦ରେ ମୁମ୍ବାଇ ଟ୍ରାନ୍ସ ହାର୍ବର ଲିଙ୍କର ବାର୍ବର ସେବା ଛାଡି ସେ ନିଜ କାର ପାର୍କ କରୁଥିବା ଦେଖାଯାଉଛି । ଏହାପରେ କିଛି ସେକେଣ୍ଡରେ ପୁଲର ରେଲିଙ୍ଗରେ ଚଢି ଯାଉଛନ୍ତି ଏବଂ ସମୁଦ୍ରକୁ ଡିଆଁ ମାରିଦେଉଛନ୍ତି । ବର୍ତ୍ତମାନ ଉଦ୍ଧାର କାର୍ଯ୍ୟ ଜାରି ରହିଛି ।
ଏନେଇ ପୁଲିସ ଅଧିକାରୀ କହିଛନ୍ତି ଯେ ନଭି ମୁମ୍ବାଇ ପୁଲିସ ସହ ଉଦ୍ଧାରକାରୀ ଦଳ ଏବଂ ସ୍ଥାନୀୟ ମତ୍ସ୍ୟଜୀବୀମାନେ ତାଙ୍କୁ ଖୋଜିବା ଆରମ୍ଭ କରିଛନ୍ତି। ଶ୍ରୀନିବାସ ଏହି ପଦକ୍ଷେପ ନେବାର କିଛି ଘଣ୍ଟା ପୂର୍ବରୁ ତାଙ୍କ ପତ୍ନୀ ଏବଂ ଚାରି ବର୍ଷର ଝିଅ ସହିତ ଫୋନରେ କଥା ହୋଇଥିଲେ।
Powered by Froala Editor