ନଗମା ନା ସନମ : ପାକିସ୍ତାନରୁ ଫେରିବା ପରେ ଫସିଛନ୍ତି ମହିଳା
![ନଗମା ନା ସନମ : ପାକିସ୍ତାନରୁ ଫେରିବା ପରେ ଫସିଛନ୍ତି ମହିଳା](https://odishanewslens.com/news_gallery/31470_1721851913.jpg)
ପ୍ରେମ ପାଇଁ ଜଣେ ମହିଳା ପାକିସ୍ତାନ ଯିବାକୁ ମଧ୍ୟ ପଛାଇ ନାହାନ୍ତି। ହେଲେ ଏଥିପାଇଁ ତାଙ୍କୁ ଏବେ ଆଇନର ଜାଲରେ ଫସିବାକୁ ପଡ଼ିଛି। ଥାନେର ନଗମା ନୁର ନିଜ ନାମ ପରିବର୍ତ୍ତନ କରି ପାକିସ୍ତାନ ଯାଇଥିବାରୁ ସେ ପୁଲିସ ର ରାଡାରରେ ଅଛନ୍ତି । ପୁଲିସ ସନ୍ଦେହ କରୁଛି ଯେ ନଗମା ନକଲି କାଗଜପତ୍ର ବ୍ୟବହାର କରି ଆଧାର କାର୍ଡ, ପାସପୋର୍ଟ ଏବଂ ଭିସା ହାସଲ କରିଥିଲେ । ଥାନେର ବର୍ତକ ନଗର ପୁଲିସ ଏହି ଘଟଣାରେ ଏତଲା ରୁଜୁ କରି ତଦନ୍ତ ଚଳାଇଛି ।
ପୂରା ଘଟଣା ଏମିତି। ଜୁଲାଇ ୧୭ରେ ନଗମା ପାକିସ୍ତାନରୁ ଫେରିଛନ୍ତି। ତାଙ୍କ ନାଁ ନଗମା ନୁର ମକସୁଦ ଅଲୀ। ହେଲେ ସେ ଭିସା ପାଇଁ ଦେଇଥିବା ଦସ୍ତାବିଜରେ ନାଁ ସନମ ଖାନ ରୁଖ ରହିଛି। ୨୦୨୧ରେ ନଗମା/ସନମ ପାକିସ୍ତାନର ଅବୋଟାବାଦରେ ରହୁଥିବା ବାବର ବଶିର ଅହମଦଙ୍କୁ ଫେସବୁକରେ ଭେଟିଥିଲେ। ସୋସିଆଲ ମିଡିଆରେ ବନ୍ଧୁତା କରିଥିଲେ ଏବଂ ପରେ ଦୁହେଁ ପ୍ରେମରେ ପଡ଼ି ବିବାହ କରିବାକୁ ନିଷ୍ପତ୍ତି ନେଇଥିଲେ ।
ସେ ପାକିସ୍ତାନରୁ ଫେରିବା ପରେ ପୁଲିସ୍ ତାଙ୍କ ସମ୍ପର୍କରେ ତଦନ୍ତ ଆରମ୍ଭ କରିଛି। ପାକିସ୍ତାନ ଯିବାକୁ ମହିଳା ଜଣଙ୍କ ସମ୍ଭବତଃ ନକଲି ଦସ୍ତାବିଜର ବ୍ୟବହାର କରିଥିଲେ। ତେବେ ନଗମାଙ୍କ ମା’ କହନ୍ତି, ସେ କିଛି ଭୁଲ୍ କରିନାହାନ୍ତି, ସବୁ କିଛି ବାସ୍ତବ ।
ନାମ ପରିବର୍ତ୍ତନ ବିଷୟରେ କହିବାକୁ ଗଲେ, ୨୦୧୫ ମସିହାରେ ସେ ତାଙ୍କ ପ୍ରଥମ ସ୍ୱାମୀଙ୍କ ସହ ରହୁଥିବା ବେଳେ ଏହାକୁ ପରିବର୍ତ୍ତନ କରିଥିଲେ । ପ୍ରଥମ ସ୍ୱାମୀଙ୍କଠାରୁ ଅଲଗା ହେବା ପରେ ୨୦୨୧ରେ ତାଙ୍କ ଝିଅ ପାକିସ୍ତାନର ଆବୋଟାବାଦରେ ରହୁଥିବା ବଶିର୍ ଙ୍କ ସହ ବନ୍ଧୁତା କରିଥିଲେ ଏବଂ ପରେ ଦୁହେଁ ବିବାହ କରିବାକୁ ନିଷ୍ପତ୍ତି ନେଇଥିଲେ ।
Powered by Froala Editor