ନବ ନିଯୁକ୍ତଙ୍କ ପାଇଁ ବଡ ଘୋଷଣା: ମିଳିବ ଏକ ମାସର ଦରମା
![ନବ ନିଯୁକ୍ତଙ୍କ ପାଇଁ ବଡ ଘୋଷଣା: ମିଳିବ ଏକ ମାସର ଦରମା](https://odishanewslens.com/news_gallery/31447_1721730486.jpg)
ନୂଆଦିଲ୍ଲୀ: ସଂସଦରେ ସପ୍ତମ ଥର ପାଇଁ ବଜେଟ ଉପସ୍ଥାପନ କରିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । ବଜେଟରେ ଯୁବ ବର୍ଗଙ୍କୁ ଫୋକସ୍ । ଚାକିରି କ୍ଷେତ୍ରରେ ନବ ନିଯୁକ୍ତଙ୍କ ପାଇଁ ବଜେଟରେ ବଡ ଘୋଷଣା । ଇପିଏଫଓରେ ସାମିଲ ହେଲେ ମିଳିବ ଏକ ମାସର ଦରମା । ୩ଟି କିସ୍ତିରେ ପ୍ରଦାନ କରାଯିବ ଏହି ଟଙ୍କା । ଡାଇରେକ୍ଟ ବେନିଫିଟ୍ ଟ୍ରାନ୍ସଫର ମାଧ୍ୟମରେ ଟଙ୍କା ପଠାଯିବ । ୧୫ ହଜାରରୁ ଏକ ଲକ୍ଷ ଟଙ୍କା ଦରମା ପାଉଥିବା ନବ ନିଯୁକ୍ତ ଏହି ସୁବିଧା ପାଇ ପାରିବେ । ଏହି ସ୍କିମରେ ଲାଭବାନ ହେବେ ୨ କୋଟି ୧୦ ଲକ୍ଷ ଯୁବକ ।ଯୁବକ ଯୁବତୀଙ୍କୁ ନିଯୁକ୍ତି ଦେଉଥିବା ସଂସ୍ଥା ବା କମ୍ପାନୀ ଗୁଡିକୁ ଆର୍ଥିକ ସହାୟତା ଯୋଗାଇବେ ସରକାର । ଯଦି କୌଣସି କମ୍ପାନୀ ଯୁବକ ଯୁବତୀଙ୍କୁ ନିଯୁକ୍ତି ଦିଅନ୍ତି ସେମାନଙ୍କୁ ପ୍ରଥମ ମାସର ଦରମା ସରକାରଙ୍କ ପକ୍ଷରୁ ମିଳିବ । ପ୍ରଥମ ଥର ପାଇଁ ବଜେଟରେ ଏପରି ନିଷ୍ପତ୍ତି ନିଆୟାଇଛି । ନବ ନିଯୁକ୍ତଙ୍କ ଉପରେ ଫୋକସ କରାଯାଇଛି ।
ସେହିପରି ଇଣ୍ଟର୍ନସିପ୍ କଲେ ମାସକୁ ମିଳିବ ୫ ହଜାର: ବଜେଟରେ ଯୁବ ବର୍ଗଙ୍କୁ ଅଧିକ ଫୋକସ କରାଯାଇଛି । ବଡ କମ୍ପାନୀରେ ଇଣ୍ଟର୍ନସିପ୍ କଲେ ମାସକୁ ମିଳିବ ୫ ହଜାର ଟଙ୍କା । ଏକ କୋଟି ଯୁବକଙ୍କୁ ମିଳିବ ୫ ହଜାର । ୫୦୦ ବଡ କମ୍ପାନୀରେ ଇଣ୍ଟର୍ନସିପ କଲେ ଏହି ସୁବିଧା ପାଇ ପାରିବେ ଯୁବ ବର୍ଗ ।
Powered by Froala Editor