ଗୌରବ ଗୋଗୋଇ ଲୋକସଭାରେ କଂଗ୍ରେସର ଉପ ମୁଖ୍ୟ ନିଯୁକ୍ତ
କଂଗ୍ରେସ ପକ୍ଷରୁ ବରିଷ୍ଠ ନେତା ତଥା ସାଂସଦ ଗୌରବ ଗୋଗୋଇଙ୍କୁ ଲୋକସଭାରେ ଦଳର ଉପ ମୁଖ୍ୟ ଭାବେ ନିଯୁକ୍ତି କରାଯାଇଛି। ଦଳର ଏହି ନିଷ୍ପତ୍ତି ଲୋକ ସଭା ବାଚସ୍ପତି ଓମ୍ ବିର୍ଲାଙ୍କୁ ଜଣାଇ ଦିଆଯାଇଛି। କଂଗ୍ରେସ ସଂସଦୀୟ ଦଳ ଅଧ୍ୟକ୍ଷା ସୋନିଆ ଗାନ୍ଧି ବାଚସ୍ପତିଙ୍କୁ ପତ୍ର ଲେଖି ଲୋକ ସଭାରେ କଂଗ୍ରେସର ଉପନେତା, ମୁଖ୍ୟ ହୁଇପ୍ ଓ ୨ ଜଣ ହୁଇପ୍ ନିଯୁକ୍ତି ସମ୍ପର୍କରେ ଜଣାଇଛନ୍ତି। ଗୌରବ ଗୋଗୋଇ ବିରୋଧୀ ଦଳର ନେତା ରାହୁଲ ଗାନ୍ଧିଙ୍କୁ ଲୋକସଭାରେ ସହଯୋଗ କରିବେ।
ଏ ସମ୍ପର୍କରେ ଦଳର ବରିଷ୍ଠ ନେତା କେସି ଭେନୁଗୋପାଲ ସୂଚନା ଦେଇଛନ୍ତି। ତାଙ୍କ ସୂଚନା ଅନୁସାରେ କଂଗ୍ରେସ ସଂସଦୀୟ ପାର୍ଟିର ମୁଖ୍ୟ ସୋନିଆ ଗାନ୍ଧି ଆଜି ଗୌରବ ଗୋଗୋଇଙ୍କୁ ଲୋକସଭାର ଉପ ମୁଖ୍ୟ, ବରିଷ୍ଠ ସାଂସଦ କେ ସୁରେଶଙ୍କୁ ମୁଖ୍ୟ ସଚେତକ, ମଣିକମ ଟାଗୋର ଓ ଡ ମହମ୍ମଦ ଜୱାଇଦଙ୍କୁ ଲୋକସଭାରେ ଦଳର ସଚେତକ ଭାବେ ନିଯୁକ୍ତି ଦେଇଛନ୍ତି। ଏହି ନିଯୁକ୍ତି ସଂକ୍ରାନ୍ତରେ ଶ୍ରୀମତୀ ଗାନ୍ଧି ଲୋକସଭାର ବାଚସ୍ପତି ଓମ ବିର୍ଲାଙ୍କୁ ଚିଠି ଲେଖି ଅବଗତ ମଧ୍ୟ କରାଇଛନ୍ତି।
Powered by Froala Editor
