ତେଲେଙ୍ଗାନାର ହାଇଦ୍ରାବାଦରେ ଏକ ଚଳନ୍ତା ବୁଲେଟ ବିସ୍ଫୋରଣରେ ୧୦ ଜଣ ଗୁରୁତର ହୋଇଛନ୍ତି। ହାଇଦ୍ରାବାଦ ଭବାନୀନଗର ପୁଲିସ୍‌ ଷ୍ଟେଶନ ଅଞ୍ଚଳରେ ଏହି ଅଘଟଣ ଘଟିଛି। ଦ୍ରୁତ ଗତିରେ ଯାଉଥିବା ବୁଲେଟ୍ ଇଂଜିନରେ ହଠାତ୍‌ ନିଆଁ ଲାଗିଥିଲା। ତା’ ପରେ ଜୋର ଶବ୍ଦରେ ବିସ୍ଫୋରଣ ହୋଇଥିଲା। ବିସ୍ଫୋରଣ ଏତେ ସାଂଘାତିକ ଥିଲା ଯେ ବୁଲେଟ ଚାଳକଙ୍କ ସମେତ ଉକ୍ତ ସମୟରେ ରାସ୍ତାରେ ଯାଉଥିବା ପ୍ରାୟ ୯ ଜଣ ଗୁରୁତର ଆହତ ହୋଇଛନ୍ତି।

ଭିଡିଓରେ ଦେଖିବାକୁ ମିଳୁଛି , ମଝି ରାସ୍ତାରେ ବାଇକ୍‌ଟି ଜଳୁଛି । ସେହି ସ୍ଥାନରେ ଥିବା କିଛି ଲୋକ ନିଆଁ ଲିଭାଇବାକୁ ଚେଷ୍ଟା କରୁଛନ୍ତି । ଏହି ସମୟରେ ବାଇକ୍‌ର ଫୁଏଲ୍ ଟ୍ୟାଙ୍କରେ ଅଚାନକ ଭୀଷଣ ବିସ୍ଫୋଟ ହେଉଛି ଓ ଆଖପାଖରେ ଉପସ୍ଥିତ କିଛି ଲୋକ ଏହାର ଶିକାର ହୋଇପଡିଛନ୍ତି । ଏହି ଦୁର୍ଘଟଣାରେ ପ୍ରାୟ ୧୦ ଜଣ ଲୋକ ଭୀଷଣ ଭାବରେ ଜଳି ଯାଇଛନ୍ତି । ତେବେ କାହିଁକି ଏହି ଘଟଣା ଘଟିଲା ଏ ବିଷୟରେ ଅନୁସନ୍ଧାନ ଆରମ୍ଭ ହୋଇଛି । କିନ୍ତୁ ପ୍ରଥମରୁ ପୋଲିସ ଏହା ପଛର କାରଣ ହିଟ୍ ବୋଲି କହିଛି ।

ଖବର ପାଇ ପୁଲିସ୍‌ ଓ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ। ଅଗ୍ନିଶମ କର୍ମଚାରୀ ତୁରନ୍ତ ନିଆଁକୁ ଆୟତ୍ତ କରିଥିଲେ। ଏହାପରେ ସଙ୍ଗେସଙ୍ଗେ ଗୁରୁତରଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି।

Powered by Froala Editor