ହସ୍ପିଟାଲ ପରେ ଆଇଜିଆଇକୁ ବୋମାରେ ଉଡାଇ ଦେବାକୁ ଧମକ
କିଛି ଦିନ ତଳେ ଦିଲ୍ଲୀର ଅନେକ ବଡ଼ ସ୍କୁଲକୁ ବୋମା ଧମକ ଇମେଲ୍ ଆସିଥିଲା। ରବିବାର ଦିଲ୍ଲୀର ଦୁଇଟି ହସ୍ପିଟାଲକୁ ବି ସମାନ ଧମକ ମିଳିଥିଲା । ପରେ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦର (ଆଇଜିଆଇ)କୁ ଏବେ ବୋମା ଧମକ ମିଳିଛି। ଏବେ ପୁଲିସ ଘଟଣାର ତଦନ୍ତ ଜାରି ରଖିଛି ଏବଂ ବିମାନବନ୍ଦରରେ ତଲାସୀ ଜାରି ରହିଛି।
ଦିଲ୍ଲୀର ଦୁଇଟି ଭିନ୍ନ ଡାକ୍ତରଖାନାକୁ ଧମକପୂର୍ଣ୍ଣ ଇମେଲ ପଠାଯାଇଛି ଯେଉଁଥିରେ ସେମାନଙ୍କୁ ବୋମା ବିସ୍ଫୋରଣ କରିବାର ଧମକ ଦିଆଯାଇଥିଲା। ପ୍ରଥମଟି ହେଉଛି ବୁରିର ସରକାରୀ ହସ୍ପିଟାଲ ଏବଂ ଦ୍ୱିତୀୟଟି ହେଉଛି ମଙ୍ଗୋଲପୁରୀର ସଞ୍ଜୟ ଗାନ୍ଧୀ ହସ୍ପିଟାଲ। ହସ୍ପିଟାଲ ମ୍ୟାନେଜମେଣ୍ଟ ପୋଲିସକୁ ଏ ବିଷୟରେ ଅବଗତ କରାଇବା ପରେ ବୋମା ସ୍କ୍ବାଡ ଏବଂ ଅଗ୍ନିଶମ ବାହିନୀ ସହିତ ପୋଲିସ ଟିମ ଘଟଣାସ୍ଥଳରେ ପହଞ୍ଚିଥିଲେ। ତେବେ ଏୟାରପୋର୍ଟ ଓ ହସ୍ପିଟାଲରେ ପୁଲିସକୁ କୌଣସି ସନ୍ଦେହଜନକ ଜିନିଷ ମିଳିନଥିଲା।
Powered by Froala Editor
