ବଡ଼ ଘରର ବଡ଼ ଗୁମର କଥା। ଉତ୍ତରପ୍ରଦେଶର କସଗଞ୍ଜର ଏକ ହୋଟେଲରେ ଜଣେ ଡାକ୍ତର ତାଙ୍କ ପତ୍ନୀଙ୍କୁ ଅନ୍ୟ ଦୁଇଜଣ ପୁରୁଷଙ୍କ ସହ ଆପତ୍ତିଜନକ ଅବସ୍ଥାରେ ଧରିଛନ୍ତି। ଦୃଶ୍ୟ କ୍ୟାମେରାରେ କଏଦ ହୋଇଛି। କ୍ୟାମେରାରେ କଏଦ ହେବା ପରେ ଭିଡିଓଟି ଏବେ ସୋସିଆଲ୍‌ ମିଡିଆରେ ଘୂରି ବୁଲୁଛି। ଏହି ଘଟଣାକୁ ନେଇ ପତି-ପତ୍ନୀଙ୍କ ମଧ୍ୟରେ ହାଇଭୋଲ୍‌ଟେଜ୍‌ ଡ୍ରାମା ହୋଇଛି।

ପୁଲିସ୍ ପହଞ୍ଚି ଡାକ୍ତରଙ୍କ ପତ୍ନୀ ଓ ତାଙ୍କ ଦୁଇ ପ୍ରେମିକଙ୍କୁ ଗିରଫ କରିଛି। ଏହାର ଭିଡିଓ ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି। ଉଭୟ ପତିପତ୍ନୀ ଡାକ୍ତର ହୋଇଥିବା ବେଳେ ଗତ ୨ ବର୍ଷ ହେବ ସେମାନଙ୍କ ସମ୍ପର୍କରେ ଫାଟ ସୃଷ୍ଟି ହୋଇଥିଲା। ଫଳରେ ଉଭୟ ପୃଥକ ଭାବେ ରହୁଥିଲେ। ମାତ୍ର ଡାକ୍ତର ନିଜ ପତ୍ନୀଙ୍କ ଉପରେ ନଜର ରଖିଥିଲେ।

କିଛି ଦିନ ତଳେ ମହିଳା ଜଣକ ଦୁଇ ଯୁବକଙ୍କ ସହ ଏକ ହୋଟେଲରେ ପ୍ରବେଶ କରିଥିଲେ । ଖବର ପାଇ ଡାକ୍ତର ଜଣକ ପରିବାର ସଦସ୍ୟଙ୍କ ସହ ସେଠାରେ ପହଞ୍ଚିଥିଲେ। ଏହାପରେ ରୁମ୍ ରେ ଅସଂଯତ ଅବସ୍ଥାରେ ୩ ଜଣଙ୍କୁ ଦେଖି ସେମାନେ ଉତ୍ତ୍ୟକ୍ତ ହୋ ଯାଇଥିଲେ। ଏହାପରେ ନିଜ ଉପରୁ ନିୟନ୍ତ୍ରଣ ହରାଇ ଉକ୍ତ ୩ ଜଣଙ୍କୁ ପ୍ରବଳ ପିଟିଥିଲେ।

ତେବେ ମହିଳା ଜଣକ ମଧ୍ୟ ଏକ ସରକାରୀ ହସ୍ପିଟ‌ାଲ୍‌ର ଡାକ୍ତର। ଯେଉଁ ଦୁଇ ପୁରୁଷଙ୍କ ସହ ସେ ଶାରୀରିକ ସଂପର୍କ ରଖୁଥିଲେ, ସେମାନଙ୍କ ମଧ୍ୟରୁ ଜଣେ ଗାଜିଆବାଦ୍‌ର ହୋଇଥିବା ବେଳେ ଅନ୍ୟ ଜଣେ ବୁଲନ୍ଦସହରର। ସ୍ବାମୀ ଜଣକ ତାଙ୍କ ପତ୍ନୀ ଓ ଦୁଇ ପୁରୁଷଙ୍କ ନାମରେ ଅଭିଯୋଗ ଆଣି ମାମଲା ରୁଜୁ କରିଛନ୍ତି। ମହିଳା ଜଣକ ଏପର୍ଯ୍ୟନ୍ତ ତାଙ୍କ ସ୍ୱାମୀଙ୍କ ବିରୋଧରେ କୌଣସି ଅଭିଯୋଗ କରିନାହାଁନ୍ତି ବୋଲି ପୁଲିସ କହିଛି।

Powered by Froala Editor