ବଡଭାଇର ଆକ୍ରମଣରେ ସାନ ମୃତ

ଆସିକା : ବଡ଼ଭାଇ ଆକ୍ରମଣରେ ସାନଭାଇର ମୃତୁ୍ୟ । ଘଟଣା ଘଟିଛି ଗଞ୍ଜାମ ଜିଲ୍ଲା ଆସିବା ଥାନା ଅନ୍ତର୍ଗତ ମଙ୍ଗଳପୁର ଗ୍ରାମରେ । ପାରିବାରିକ କଳହରୁ ଏହି ହତ୍ୟାକାଣ୍ଡ ଘଟିଥିବା କୁହାଯାଉଛି । ପୁଲିସ ସୂତ୍ରରୁ ପ୍ରକାଶ, ଗ୍ରାମର ରାମଚନ୍ଦ୍ର ପ୍ରଧାନଙ୍କ ଚାରିପୁଅ । ବଡ଼ପୁଅ ହରିବନ୍ଧୁ, ଦ୍ୱିତୀୟ ପୁଅ ସଞ୍ଜୟ, ତୃତୀୟ ପୁଅ ସୁନୀଲ ଏବଂ ଚତୁର୍ଥ ପୁଅ ଅନିଲ । ବଡ଼ପୁଅ ହରିବନ୍ଧୁ ବିବାହ କରିବାକୁ ମନା କରିବା ପରେ ସଞ୍ଜୟଙ୍କ ବିବାହ ୨୦ ଦିନ ତଳେ ହୋଇଥିଲା । ଘରେ ପ୍ରାୟ ଅଶାନ୍ତି ଲାଗି ରହିଥିବାର ସଞ୍ଜୟ କବିସୂର୍ଯ୍ୟନଗରରେ ରହୁଥିଲେ । ସଞ୍ଜ ନିଜ ଗ୍ରାମ ମଙ୍ଗଳପୁରକୁ ଆସି ଦାଦା ପୀତବାସ ପ୍ରଧାନଙ୍କ ଘରେ ବସି ଚା ପିଉଥିଲେ । ଏହି ସମୟରେ ବଡ଼ ଭାଇ ହରି ପହଞ୍ଚି ମାରଣାସ୍ତ୍ରରେ ଆକ୍ରମଣ କରିଥିବା ଅଭିଯୋଗ ହୋଇଛି । ଘଟଣାସ୍ଥଳରେ ସଞ୍ଜୟଙ୍କ ମୃତୁ୍ୟ ହୋଇଛି । ହରିବନ୍ଧୁ ଫେରାର ହୋଇଯାଇଛି । ଆସିକା ଉପଖଣ୍ଡ ପୁଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛନ୍ତି । ପୁଲିସ ମାମଲା ରୁଜୁ କରି ତଦନ୍ତ କରୁଛି ।
Powered by Froala Editor