ଗଣପର୍ବ ରଜ । ସମସ୍ତେ ଧୁମଧାମରେ ପାଳନ କରିବାକୁ ଚାହୁଁଥିବାବେଳେ କରୋନା ସମସ୍ତଙ୍କ ବାଟ ଓଗାଳିଛି । ତେଣୁ ସତର୍କ ରହିବା ସହ ଏକାଠି ପର୍ବ ନପାଳିବାକୁ ସତର୍କ କରିଛନ୍ତି ଆଇନ୍ ଶୃଙ୍ଖଳା ଅତିରିକ୍ତ ଆରକ୍ଷୀ ମହାନିର୍ଦ୍ଦେଶକ ଯଶବନ୍ତ ଜେଠଓ୍ବା ।

ଘରେ ରହି କରୋନା କଟକଣାରେ ସମସ୍ତେ ରଜ ପାଳିବା ପାଇଁ କହିଛନ୍ତି ଜେଠଓ୍ବା । ସେପଟେ ଦୁଇ ମାସ ମଧ୍ୟରେ ୪ ଲକ୍ଷ ୭୬ ହଜାର ଆଇନ୍ ଭାଙ୍ଗିଛନ୍ତି । ୧୪ କୋଟି ୫୮ ଲକ୍ଷ ଟଙ୍କାର ଫାଇନ୍ ଆଦାୟ ହୋଇଛି । ୩ ହଜାର ୫୦୦ ଦୋକାନ ଓ ଶିକ୍ଷାନୁଷ୍ଠାନ ସିଲ୍ କରାଯାଇଛି । ୨୭୮ଟି କେସ୍ ଦାୟର ହୋଇଥିବାବେଳେ୧୩ ହଜାର ୩୨ ଜଣକୁ ଗିରଫ କରାଯାଇଛି । ସେହିଭଳି ୨୯ ହଜାର ଗାଡି ସିଜ୍ କରାଯାଇଥିବା ସୂଚନା ଦେଇଛନ୍ତି ଜେଠଓ୍ବା ।

ପୁଲିସ ପକ୍ଷରୁ କୁହାଯାଇଛି ଯେ, କରୋନାର ୨ୟ ଲହର ଆରମ୍ଭ ହେବା ଠାରୁ କଡ଼ା ପଦକ୍ଷେପ ନିଆଯାଇଛି । ୨ ମାସ ଭିତରେ ପ୍ରାୟ ୪ ଲକ୍ଷ ୭୬ ହଜାର ଅମାନିଆଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଛି । ବିଭିନ୍ନ ଜିଲ୍ଲାରୁ ୧୪ କୋଟି ୫୮ ଲକ୍ଷ ଟଙ୍କା ଜରିମାନା ଆଦାୟ କରାଯାଇଛି । ପ୍ରାୟ ୩ ହଜାର ୫ଶହ ଦୋକାନ ଓ ବଜାର ସିଲ କରାଯାଇଛି । କୋଭିଡ ନିୟମ ଉଲ୍ଲଂଘନ ନେଇ ୨୭୮ ମାମଲା ରୁଜୁ ହୋଇଛି । ୩୩୨ ଜଣଙ୍କୁ ଗିରଫ କରାଯାଇଛି । ସେହିଭଳି ୨୯ ହଜାର ଗାଡ଼ି ଜବତ କରାଯାଇଛି ।

ପର୍ବ ପର୍ବାଣୀ ପାଇଁ ଆହୁରି ଶକ୍ତ ହେବ ଏନଫୋର୍ସମେଣ୍ଟ ଡ୍ରାଭଭ୍ । ସାଇବର କ୍ରାଇମ୍ ଓ ଠକଙ୍କ ଠାରୁ ଦୂରେଇ ରହିବା ପାଇଁ ପରାମର୍ଶ ଦିଆଯାଇଛି । କୌଣସି ସମସ୍ୟାରେ ପଡିଲେ ହେଲପ୍ ଲାଇନ୍ ନମ୍ବର ୧୫୫୨୬୦ର ସହାୟତା ନେଇପାରିବେ । ଭୁବନେଶ୍ବର ଓ କଟକବାସୀ ଲକଡାଉନ୍ ନିୟମ ମାନିଛନ୍ତି, ହେଲେ ଆଗକୁ ଆହୁରି ସଚେତନ ହେବା ପାଇଁ ଅପିଲ୍ କରିଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ । ସେହିଭଳି ଭୁବନେଶ୍ବର ଓ କଟକ ଡିସିପି ମଧ୍ୟ ପ୍ରେସମିଟରେ ଟ୍ବିନ୍ ସିଟିବାସୀଙ୍କୁ ସଚେତନ ହୋଇ ରଜ ପାଳିବା ସହ କୋଭିଡ୍ ନିୟମ ମାନିବା ପାଇଁ ଅପିଲ୍ କରିଛନ୍ତି ।

ଶ୍ରୀ ଜେଠୱା କହିଛନ୍ତି ଯେ, ଏବେ ସଂକ୍ରମଣର ୩ୟ ଲହରର ଆଶଙ୍କା ରହିଛି । ଅମାନିଆଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ହୋଇଛି । ସଂକ୍ରମଣ ହାର କମାଇବା ପାଇଁ କରୋନା ନିୟମ ମାନିବା । ଗଣପର୍ବ ରଜରେ ବଜାରରେ ଅଯଥା ଭିଡ କରିବା ନାହିଁ । ଦୋକାନୀମାନେ ସାମାଜିକ ଦୂରତା ମାନନ୍ତୁ । କଟକଣା ନମାନିଲେ କଠୋର କାର୍ଯ୍ୟାନୁଷ୍ଠାନ ହେବ ।

Powered by Froala Editor