ଟ୍ରେନ୍ ଲାଇନ୍ରୁ ଯୁବକଙ୍କ ଖଣ୍ଡ ବିଖଣ୍ଡିତ ମୃତଦେହ ଉଦ୍ଧାର
ଟିଟିଲାଗଡ : ଟ୍ରେନ୍ ଲାଇନ୍ରୁ ଯୁବକଙ୍କ ମୃତଦେହ ଠାବ । ଟିଟିଲାଗଡ଼ ଷ୍ଟେସନ ନିକଟରେ ଥିବା ରେଳ ଫାଟକରୁ ପ୍ରାୟ ୧୦୦ ମିଟର ଦୂରରେ ଠାବ ହୋଇଛି ମୃତଦେହ । ରେଳଓ୍ୱେ ଟ୍ରାକରେ ଯୁବକଙ୍କ ମୁଣ୍ଡ ଗଣ୍ଡି ଅଲଗା ହୋଇ ପଡିଛି । ସଇଁତଳା ଷ୍ଟେସନ ଠାରୁ ୧୦୦ ମିଟର ଦୂରରେ ଜଣେ ଯୁବକଙ୍କ ମୃତଦେହ ପଡିଥିବା ଦେଖିଥିଲେ କିଛି ଲୋକେ । କିନ୍ତୁ ଯୁବକଙ୍କ ବୟସ ୨୫ ରୁ ୩୦ ବର୍ଷ ହୋଇଥିବା ଅନୁମାନ କରାଯାଉଛି । ଏହା ବିଳମ୍ବିତ ରାତିରେ ହୋଇଥିବା ସନ୍ଦେହ କରାଯାଉଛି ।
ସେହିପରି ମୃତ ଯୁବକଙ୍କ ଦେହରେ ଏକ ଧଳାରଙ୍ଗ ସାର୍ଟ ଏବଂ ଜିନ୍ସ ପ୍ୟାଣ୍ଟ ରହିଥିବା ବେଳେ ଏକ ଧୂସର ରଙ୍ଗର ଜ୍ୟାକେଟ୍ ବି ରହିଛି । ଯୁବକ ଜଣଙ୍କ ଟ୍ରେନ୍ ଯାତ୍ରୀ ନା ଅନ୍ୟ କିଏ । ସେନେଇ କିଛି ସ୍ପଷ୍ଟ ସୂଚନା ମିଳିନାହିଁ । ଏପିରିକି ଯୁବକ ଜଣଙ୍କ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରାଯାଇ ଏଠାରେ ଫିଙ୍ଗିଯାଇଛି । ତାହା ପୋଲିସର ତଦନ୍ତରେ ହିଁ ଜଣାପଡିବ ।
Powered by Froala Editor
