ବୋରୱେଲ ଭିତରୁ ଉଦ୍ଧାର ନବଜାତ ଶିଶୁ ଅସୁସ୍ଥ
ସମ୍ୱଲପୁର: ଅସୁସ୍ଥ ଅଛି ବୋରୱେଲ ଭିତରୁ ଉଦ୍ଧାର ହୋଇଥିବା ନବଜାତ ଶିଶୁ । ଶିଶୁ କନ୍ୟାର ଆଭ୍ୟନ୍ତରୀଣ ରକ୍ତସ୍ରାବ ହେଉଥିବା ସୂଚନା ଦେଇଛନ୍ତି ଭୀମସାର ସୁପରିଟେଣ୍ଡେଂଟ । ବିଭିନ୍ନ ସ୍ଥାନରେ ଘା’ ଯୋଗୁଁ ସଂକ୍ରମଣ ବଢ଼ିଥିବା କହିଛନ୍ତି ଡାକ୍ତର । ଆବଶ୍ୟକ ପଡ଼ିଲେ ଶିଶୁର ଅଧିକ ଚିକିତ୍ସା ପାଇଁ ଏସସିବିକୁ ସ୍ଥାନାନ୍ତର ହୋଇପାରେ ।
ସୂଚନା ଥାଉକି, ରେଙ୍ଗାଲିରେ ନଳକୂପରୁ ଉଦ୍ଧାର ଶିଶୁକନ୍ୟା ସ୍ବାସ୍ଥ୍ୟବସ୍ଥା ଜଟିଳ ରହିଛି । ଇଣ୍ଟରନାଲ ବ୍ଲିଡିଂ ହେଉଥିବା ଭିମସାର ପକ୍ଷରୁ ସୂଚନା ଦିଆଯାଇଛି । ତେବେ ଯଦି ଅବସ୍ଥାରେ ସୁଧାର ନଆସେ ଶିଶୁ ଭବନ ପଠାଇବା ବ୍ୟବସ୍ଥା କରାଯିବ । ଅନ୍ୟପଟେ ଅଭିଯୁକ୍ତ ନୃସଂଶକୁ ଧରିବା ପାଇଁ ପୋଲିସ ଛାନଭିନ ଆରମ୍ଭ କରିଛି । ସ୍ଥାନୀୟ ଅଂଚଳର ଆଶା ଅଙ୍ଗନବାଡିଙ୍କୁ ପଚରା ଉଚୁରା ପାଇଁ ଯୋଜନା କରିଛି ପୋଲିସ ।
ଲୋକାଲ୍ ଇଣ୍ଟେଲେଜେନ୍ସ ଉପରେ ପୋଲିସ ଜୋର ଦେବା ସହ ଲାରିପାଲି ଗାଁରେ ପଚରାଉଚୁରା ଆରମ୍ଭ କରିଛି । ଦୁଇ ଦିନ ତଳେ ୧୫ ରୁ ଅଧିକ ଫୁଟ୍ ବୋରୱେଲ ଭିତରକୁ ଖସିପଡ଼ିଥିଲା ନବଜାତ ଶିଶୁ । ତେବେ କିଏ ଓ କାହିଁକି ପିଲାଟିକୁ ପକାଇଥିବା ତାର କାରଣ ଜଣାପଡ଼ିନଥିବା ବେଳେ ଏହାର ତଦନ୍ତ କରୁଛି ପୋଲିସ ।
Powered by Froala Editor
