ଶିଶୁ ମୁହଁରେ ଝାଡ଼ା କରିଦେଲା ମଇଁଷି, ଶ୍ୱାସରୁଦ୍ଧ ହୋଇ ଚାଲିଗଲା କଅଁଳ ଜୀବନ
ଏମିତି ବି ହୋଇପାରେ ଅଘଟଣ । ଗୋବର ପଡି ଏକ ଶିଶୁର ଜୀବନ ଚାଲିଯାଇଛି ।ଉତ୍ତରପ୍ରଦେଶର ଏହି ଆଶ୍ଚର୍ଯ୍ୟଜନକ ଘଟଣା ମହୋବା ଜିଲାର କୁଲପାହାର ପୋଲିସ ଷ୍ଟେସନ ଅଧୀନରେ ଥିବା ସତାରୀ ଗ୍ରାମରେ ଘଟିଛି। କୁହାଯାଉଛି ଯେ, ଘରେ ରୋଷେଇ କରୁଥିବାବେଳେ ମହିଳା ଶିଶୁକୁ ବାହାରେ ଏକ ଝୁଲାରେ ଝୁଲେଇ ଦେଇଥିଲେ। ଏହି ସମୟରେ ମଇଁଷି ଶିଶୁଟିର ମୁହଁରେ ଝାଡା କରିଦେଇଥିଲା।
ପିଲାଟିର ସ୍ବର ଦୀର୍ଘ ସମୟ ଧରି ଶୁଣିବାକୁ ମିଳି ନ ଥିଲା। ମା’ ଶିଶୁ ନିକଟକୁ ଆସି କୋଳରେ ଉଠାଇ ନେଇ ସ୍ବାମୀକୁ ଡାକିଲେ। ଶିଶୁଟିକୁ ତୁରନ୍ତ ଚିକିତ୍ସା ପାଇଁ ଜିଲା ଡାକ୍ତରଖାନା ନିଆଯାଇଥିଲା। ସେଠାରେ ଡାକ୍ତରମାନେ ଶିଶୁକୁ ମୃତ ଘୋଷଣା କରିଥିଲେ। ଶ୍ୱାସରୁଦ୍ଧ ଯୋଗୁ ଏହି ଘଟଣା ଘଟିଥିବା ଜଣାପଡିଛି। ଗୋବର ପଡି ଶିଶୁର ମୃତ୍ୟୁ ଘଟଣା ହୁଏତ କେବେ ହୋଇନଥିବ । ହେଲେ ଶିଶୁକୁ ହରାଇ ବାପା ମା ପୂରା ଭାଙ୍ଗି ପଡିଛନ୍ତି ।
Powered by Froala Editor
