୮ ବର୍ଷର ଭାଇ ସହ ୬ ବର୍ଷର ଭଉଣୀ ଟ୍ୟୁସନ ଯାଉଥିଲେ । ହଠାତ୍ କାରରେ କିଛି ଲୋକ ଭଉଣୀକୁ ଅପହରଣ କରିଦେଲେ । ଭାଇ ବଞ୍ଚାଇବାକୁ ଚେଷ୍ଟା କରି ଆହତ ହେଲା । ହେଲେ ଅପହରଣ କାରୀ ଝିଅଟିକୁ ଉଠାଇ ନେଇ ୧୦ ଲକ୍ଷ ଦାବି କରିଥିଲେ । ଏପରିକି ପୁଲିସକୁ ନଜଣାଇବା ପାଇଁ ଧମକ ଦେଇଥିଲେ । କିନ୍ତୁ ପରିବାର ଲୋକଙ୍କ ସାହାସ ଯୋଗୁଁ ଝିଅଟି ଏକ ଆଶ୍ରମ ପଡିଆରୁ ସୁରକ୍ଷିତ ଉଦ୍ଧାର ହୋଇଛି । ପରିବାର ଲୋକେ ତୁରନ୍ତ ପୁଲିସକୁ ଜଣାଇଥିଲେ । ପୁଲିସ ବି ଡେରି ନକରି ଘନଘନ ଚଢଉ କରିଥିଲେ । ଶେଷରେ ଭୟରେ ଅପହରଣକାରୀମାନେ ଝିଅକୁ ଛାଡି ଦେଇଛନ୍ତି ।

କେରଳର ପୋୟାପ୍ପାଲୀରେ ସୋମାବାର ଅପରାହ୍ନ ୪ଟାରୁ ୪.୩୦ ମଧ୍ୟରେ ନାବାଳିକା ଜଣଙ୍କ ତାଙ୍କ ୮ ବର୍ଷର ଭାଇ ସହ ଟ୍ୟୁସନ ଯାଉଥିଲେ। ଏହି ସମୟରେ ଜଣେ ମହିଳାଙ୍କ ସମେତ ୪ ଜଣ ଗୋଟିଏ ଧଳା କାରରେ ସେମାନଙ୍କ ପହଞ୍ଚିଥିଲେ। ଏହାପରେ ନାବାଳିକାଙ୍କୁ କାରରେ ବସାଇ ନେଇ ଯାଇଥିଲେ। ୮ ବର୍ଷର ପୁଅ ଅପହରଣକାରୀଙ୍କୁ ଅଟକାଇବାକୁ ଚେଷ୍ଟା କରିଥିଲେ ହେଁ ସେମାନେ ତାଙ୍କୁ ଧକ୍କା ମାରି ରାସ୍ତା କଡ଼କୁ ପକାଇ ଦେଇଥିଲେ।

ଅପହରଣର କିଛି ସମୟ ପରେ ଅପହରଣକାରୀ ନାବାଳିକାଙ୍କ ଘରକୁ ଫୋନ କରି ୫ ଲକ୍ଷ ଟଙ୍କା ଦେବାକୁ କହିଥିଲେ। ହେଲେ ପରବର୍ତ୍ତୀ ଅବସ୍ଥାରେ ୧୦ ଲକ୍ଷ ଟଙ୍କାକୁ ବୃଦ୍ଧି କରିଥିଲେ। ଟଙ୍କା ମାଗିବା ବେଳେ ପୁଲିସ୍‌କୁ ସୂଚନା ନ ଦେବାକୁ ଧମକ ଦେଇଥିଲେ। ହେଲେ ପରିବାର ଲୋକ ପୁଲିସ୍‌କୁ ଜଣାଇଥିଲେ । ପୁଲିସ୍‌ ବିଭିନ୍ନ ସ୍ଥାନରେ ନାକାବନ୍ଦୀ କରି ସର୍ଚ୍ଚ ଅପରେସନକୁ ଜୋରଦାର କରିଥିଲା। ଏସବୁ ଭିତରେ ନାବାଳିକା ଜଣଙ୍କୁ ପରିତ୍ୟକ୍ତ ଆଶ୍ରମ ପଡ଼ିଆରୁ ଉଦ୍ଧାର କରାଯାଇଛି।

Powered by Froala Editor