ଖୋର୍ଦ୍ଧା ଜିଲ୍ଲାରେ କମିନାହିଁ ଦ୍ୱିତୀୟ ଲହର : Odisha News Lens 4.1

ଭୁବନେଶ୍ୱର : କରୋନାରେ ଖୋର୍ଦ୍ଧା ଜିଲ୍ଲା ସାରା ରାଜ୍ୟରେ ନମ୍ବର ୱାନ ରହିଛି । ଦ୍ୱିତୀୟ ଲହରର ପ୍ରକୋପ ଅନେକ ଜିଲ୍ଲାରେ କମିଥିଲେବି ଖୋର୍ଦ୍ଧା ଜିଲ୍ଲାରେ ତାହା କମିପାରିନାହିଁ । ବିଶେଷକରି ଭୁବନେଶ୍ୱରରେ ସଂକ୍ରମଣ ଅଧିକ ଥିବାରୁ ଖୋର୍ଦ୍ଧା ଜିଲ୍ଲା ସର୍ବାଗ୍ରେ ରହିଛି ।

ଏଯାବତ ରାଜ୍ୟରେ ୮ ଲକ୍ଷ ୨୫ ହଜାର ୧୧୦ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେଥିମଧ୍ୟରୁ କେବଳ ଖୋର୍ଦ୍ଧା ଜିଲ୍ଲାରେ ୧ ଲକ୍ଷ ୨୨ ହଜାର ୯୧୩ ଥିବାବେଳେ ଏଯାବତ ୧ ଲକ୍ଷ ୧୧ ହଜାର ୮୬୬ ଜଣ ସୁସ୍ଥ ହୋଇସାରିଛନ୍ତି । ସମ୍ପ୍ରତି ୧୦ ହଜାରରୁ ଉଦ୍ଧ୍ୱର୍ ଚିକିତ୍ସିତ ହେଉଥିବାବେଳେ ୫୦୧ ଜଣ ମୃତୁ୍ୟ ବରଣ କରିଛନ୍ତି ।

ସୂଚନାଯୋଗ୍ୟଯେ, ଗତ ୨୪ ଘଂଟା ମଧ୍ୟରେ ରାଜ୍ୟରେ ଆଉ ୫୮୯୬ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ୩୩୩୨ ଜଣ କ୍ୱାରେଂଟାଇନରେ ଥିବାବେଳେ ସ୍ଥାନୀୟ ସଂସ୍ପର୍ଶରେ ଆସି ୨୫୬୪ ଜଣ ସଂକ୍ରମିତ ହୋଇଛନ୍ତି ।